Ayushman Bharat Pradhan Mantri Jan Arogya Yojana (AB-PMJAY)- Central Scheme
& Mizoram State Healthcare Scheme


1. Ayushman Bharat Pradhan Mantri Jan Arogya Yojana (AB-PMJAY)- Central Scheme, Golden Card hmanga ₹5,00,000/- thleng bill theihna.


2. Mizoram State Health Care Scheme (MSHCS)-

Mizoram Sawrkar Scheme, ₹2,00,000/- thleng admit ngai natna tam ber leh OPD-a inenkawlna ṭhenkhat bill theihna.
He Scheme pahnihte hi October ni 1, 2019 aṭanga hman ṭan tur niin, policy khat hian kum khat chhung zel a awh ang.


AYUSHMAN BHARAT – PRADHAN MANTRI JAN AROGYA YOJANA (AB-PMJAY)

Sawrkar laipui Ministry of Health & Family Welfare hnuaia Scheme a ni a. Mizoramah chuan Mizoram State
Health Care Society, Department of Health & Family Welfare in a kengkawh. He Scheme ah hian chhungkaw pakhatin kum khatah ₹5,00,000/- thleng damdawiina inenkawlna senso bill theih tura ruahman a ni.
1. AB-PMJAY hmang thei tute (Sawrkar laipui phal chin) :
i. Rural Development Ministry hnuaia SECC (Socio Economic Caste Census) 2011 ‘Deprived List’ a tel chhungkuate (khawsak harsa leh hnuai hnung).
ii. 2018 a RSBY (Rashtriya Swasthya Bima Yojana) hnuaia thlala a Smart Card neite.
2. AB-PMJAY hamṭhatnain a ken telte :
i. Kum khata damdawiina inenkawlna ₹5,00,000/-
thleng an hmang thei.
ii. ₹5,00,000/- hman theih han tih hian vawikhata hman zawh nghal vek a kawk lova, ṭum khat inenkawlna atan enkawlna rate bithliah (package rate) aia tam a
hman theih chuang loh a ni.
iii. Damdawiina inenkawl hian pawisa pek nghal ngai lova inenkawl theih a ni a (cashless), zin veivahna
(transportation) erawh a huam lovang.
iv. He Scheme a inziaklutte chuan India ram puma Sawrkar damdawiin leh he Scheme-a tel duh Sawrkarin a pawm Private damdawiinah an inenkawl thei.
v. He scheme hmang turte chuan Golden Card an neih a ngai a, Golden Card hi Sawrkar damdawiin-ah a
siam theih reng a, damdawiina admit dawn pawhin a tlachawpin a siam theih.


MIZORAM STATE HEALTH CARE SCHEME (MSHCS)

October ni 1, 2019 aṭanga ṭan tur a ni dawn a;
AB-PMJAY hmang theilo - BPL, APL leh Sawrkar hnathawkten sawrkara an bill sak theih loh chhungkaw member zawng zawng an in ziaklut thei ang a, Health Care hamṭhatna an hmang ṭangkai thei ang.
MSHCS hnuaia inziaklutte hian damdawiina an inenkawlna senso chhungkaw khatin kum khat atan
₹2,00,000/- thleng an bill thei ang. Mizoram chhung bakah phai lama inenkawlna tepawh a huam tel a, enkawlna bill theih tur chu Mizoram Sawrkar bithliah ‘Notified Rate’ ang a ni ang. Kal man senso pawh damlo tan chauh Scheme hnuaia hman theih zat bituk chhungah a bill theih ang. Kal man bill tur chuan ticket thehluh a ngai ang. (Thlawhnaa kalte tan Boarding pass thehluh tel tur a ni ang).
MSHCS a inziaklut(register, enroll) te chuan mahni veng/khuaa LC/VC ten an ruahmanna hmunah inziahluh hun hawn chhunga inziahluh tur a ni. Inziahluhnaa mawhphur tute chu Health Worker, VC/LC leh YMA etc. te an ni ang.
Inziahluh hun atan September - November, 2019 chhung hawn a ni ang. Hemi hun chhunga inziaklutlote chu a hnuah inziahluh theih a ni tawh lovang.


Inziahluhna man bithliah zat
1. BPL chhungkaw tan : ₹ 100/-
2. APL chhungkaw tan : ₹1,000/-
• BPL List hi kum 2016-a BPL Baseline Survey, Planning & Programme Implementation Department siam rin a ni ang. Chhungkaw member zat bituk a awm lo.


MIZORAM STATE HEALTH CARE SCHEME
2019-20 leh AB-PMJAY hnuaia admit kher ngailo OPD-a enkawl theih te
1. Hepatitis B & C - Sawrkar damdawiin-ah chauh
2. Dialysis - kal ṭhuah
3. Parenteral Chemotherapy for cancer and other chronic disease eg. Rheumatoid arthritis for
rituximab infusion etc. - cancer leh natna benvawn dang (eg. Rheumatoid arthritis rituximab infusion mamawh) chemotherapy etc. khai ngai
4. Refractive Eye Surgery -mit ϐiahlo laser hmanga zai ngai (-4.5 chin chunglam)
5. Laser Therapy for Diabetic Retinopathy - Zunthlum vanga khawhmuh fiahlo zai ngai
6. Hemifacial Spasm/ Blepherospasm/ Cervical
Dystonia requiring Therapeutic Botox injection - Hmai sawi, mit tha chaklo chiu ngai
7. Connective Tissue Diseases eg. SLE, DLE
8. Lithotripsy - Kala lung chhut sawm
9. Treatment follow-up (monitoring) of cancer, organ transplant, post head injury (post operative only), PPI - Cancer, Organ transplant, lu a hliam tuar thluak zai, PPI (Permanent Pacemaker vuah) in checkup-na leh enkawlna
10. Laparoscopic Therapeutic Surgeries - Zailoa inverh (Sawrkar damdawiin-ah chauh)
11. Central Line Insertion - Central line dah
12. Chronic Heart Failure - Lung hnathawk tawhlo
benvawn
13. Coronary Artery Disease - Lung thisen zam natna
14. Pulmonary Hypertension - Chuap pressure sang
15. Herniotomy under GA - Hnimhlum hmanga piantirh aṭanga tilmu puar zai
16. Chronic Anal Fissure under GA - Hnimhlum hmang a pile pilh zai
17. Circumcision under GA - Hnimhlum hmanga natna vanga serh tan
18. Diagnostic laparoscopic examination - Zirchian nana zai lova verh
19. Thalassemia and other haematological disorders
requiring repeated transfusions/treatment -
thisen cancer nilo thisen lam natna
20. OME for Grommet Insertion under GA Hnimhlum hmanga bengkherh tui tling siak chhuah
21. Myringoplasty (adults LA) - Kahhitna hmanga
bengdar pawp thawm
22. Surgery for Cataract, Squint (Adults only),
Glaucoma - Mit naute paw, mit kalh, mit pressure
sang zai
23. Laser procedure for Glaucoma and posterior
capsular opacity - Laser hmanga mit pressure sang leh mit naute langtlanglo zai
24. Continuous Ambulatory Peritoneal Dialysis
(CAPD) – In lama kal ṭhuahna tur pipe dah (Sawrkar damdawiin-ah chauh)
25. Arteriovenous(AV) Fistula – Kal ṭhuah nana thisen zam zawm (Sawrkar damdawiin-ah chauh)
26. BPL zunthlum vei Insulin inchiuna mamawh


B-PMJAY GOLDEN CARD LEH MIZORAM STATE HEALTH CARE SCHEME
1. Kum 2018 RSBY (Rashtriya Swasthya Bima Yojana) Smart card leh PM (Prime Minister) Letter hmanga Golden Card nei ten (SECC 2011 ‘Deprived List’ a awm te - chhungkaw harsa leh hnuaihnung) an Golden Card hi kum 2019-2021 thleng an hmang chhunzawm thei
ang a (a thara siam a ngai lovang), Golden Card la siam lo te pawhin an siam chhunzawm thei ang.
2. Kum 2018-19-a Mizoram State Health Care Scheme hnuaia rate hrang hranga in register a Golden Card
nei tawhte chuan October, 2019 aṭangin an Golden Card an hmang chhun zawm thei tawh lovang. Tin, 2018-19 a MSHCS a in register tan Golden Card siam chhunzawm a ni hrih lovang.
3. SECC/RSBY hmanga AB-PMJAY Scheme hamṭhatna dawng thei ten 1.10.2019 – 30.9.2020 policy chhung hian MSHCS hnuaiah an in register (enroll) thei lovang.


MSHCS leh AB-PMJAY hian heng a hnuaia inenkawlna tarlante hi a huam lovang
1. Admit ngailo natna/Inentirna (OPD hnuaia bill theih natna tarlan huam lovin).
2. Natna kaihhnawih nilo senso.
3. Inhliam vang nilo pianhmang mawina tur atana plastic surgery emaw enkawlna.
4. Ka chhung zai ngai lova ha enkawlna (ha phawi, ha tih var, brace vuah etc.).
5. Natna avang niloa serh tan.
6. Nunphung tibuailo pian pui natna.
7. Vaccine lak, tarmit senso.
8. Mipat-hmeichhiat thlakna senso.
9. Mahni intihnat senso (intentional self-injury suicide).
10. Nikhaw hrelo khumbet rei tawh (persistent vegetative state).


HRIATTUR PAWIMAWH DANGTE
1. Damdawiin awm hma/chhuah hnua bill theih
chin (MSHCS): Damdawiin awm hma/chhuah hnu ni 10 thleng leh organ transplant tan ni 30 thleng
damdawi a bill theih. Doctor certify-in admit hma (pre-admission) investigation (thisen test-na, X-ray etc.) a huam tel.
2. Phaia refer chungchang (MSHCS leh AB-PMJAY):
Civil Hospital, Aizawl & Lunglei-a Medical Referral
Board aṭanga phalna lak hnuah Health Care Office,
Dinthar-ah refer lehkha pek an ni ang.
3. Health Care hnuaia bill thehluh huna thil tel tur documents te: Enrollment form xerox copy,
Original discharge card, doctor prescriptions, cash
memo, investigation reports, death summary/birth certificate (thi leh nau piang bikah), Health Care refer lehkha (phaia refer te tan) thil tel tur.
4. Mizoramah chuan Sawrkar damdawiin zawng zawngah hman theih a ni. Private damdawiin zawng
zawnga hman theih turin hmalak mek a ni a, a hman theihna damdawiin te chu mipui hriat tura puanzar leh a ni ang.
5. Chhungkaw khata inziaklutte hi an Ration Card nen a inmil tur a ni a. Nau piang/mo thar etc. erawh chu a tichiangtu atan Birth/Marriage Certificate hman tur a ni ang.


Zawhchian leh zual duhte tan Office hun chhungin hengah te hian zawh theih  ni e
8794444407 or 9366588506 or 03892310842



Attachment