FREQUENTLY ASK QUESTION (HEALTH)
Mizoram pawn-ah damlohna avangin refer ka ni e, engtia tih tur nge ?
Doctor lehkha nen Medical Board, Civil Hospital, Aizawl-ah kal in an phalna lehkha lak phawt a, chumi hnuah mahni thawhna Deptt. phalna/hriatpuina lehkha nen Directorate, Hospital & Medical Education, Dinthar-ah Provisional Permission lak tur a ni e. Tin, M.R. Bill dawnin mahni thawhna Deptt. lehkha leh Damdawi in lehkha (OPD/Discharge certificate) original, Xerox pahnih leh Provisional permission thil telin Directorate, Hospital & Medical Education, Dinthar-ah Final Permission lak a, chumi hnuah mahni Deptt.-ah M.R. Bill chu thehluh mai tur a ni e.
BPL member natna khirhkhan tak (Cancer, T.B. etc.) tuar mek te tanpuina engtia dil tur nge ?
Heng a hnuaia tarlan te nen hian dilna Health Department, Directorate, Dinthar-ah thehluh tur.
- Chenna VCP hriatpuina
- Bialtu BDO lehkha
- Enkawltu Doctor lehkha
- Medical Board, Civil Hospital, Aizawl/Lunglei/Saiha
Damlo Mizoram pawn inenkawl tur credit dil thei chin eng te nge ni ?
Heng a hnuaia damlohna neite hi Credit pek theih an ni, tin, Mizoram sawrkar in phal ringawt mahse an zuk kalna tur Hospital in a pawm kher lo mai thei bawk.
- Kidney Transplant
- Open Heart Surgery
- Cancer
- Serious Head Injuries
- S.L.E.
- Hepatitis B & C
Naupai Invenna Copper T-380 hi enge ni ?
Thil te takte plastic leh dar a siam a ni, chhulah dahin kum 10 chuang naupai a veng thei a, lak chhuah hunah nau a pail eh theih mai a ni.
Copper T-380 chu naupai venna dang aia a thatna eng nge ni ?
- Nitin nupa nun hman dawnin buaipui a ngai lo
- Dah veleh naupai a veng thei.
- Nau hnute pe lai tan pawh a hman theih
- Damdawi dang nen inhalna a nei lo.
Copper T-380 hian side effect a thlen theih em ?
- Dah tirhin thi tlem a awm mai thei, hei hi thi neih pangngai a nilo. In lam hna engkim a
- Dah tirhin thineih a rei mai thei, tin thi neih hunbi karah thi tlem tlem a awm mai thei.
- Dah tirh nirei lote chhung chu tai leh taksana them thum a awm mai thei. Mahse heng
thawhpui theih vek a ni.
zawng zawng hi reiloteah a reh leh mai thin a ni.
H1N1 (Swine Flu) hi eng e ni ? Engtin nge mihring in a lo kai thin ?
Swine Flu (Swine Infkuenza) hi virus chi khat A Influenza virus in a thlen niin vawkah hritlang natna anga lang chhuak ber. He virus hi vawk natna hrik pai atangin mihringah kai chhawn a ni ber. Vawk atangin mihringah, mihring atangin mihring vekah inkai chhawn theih zel a ni. Hritlang anga lang chhuakin khuh leh hahchhiau atangin a kai theih a. Tin he natna hrik pain a kut a silfai tawk lova a khawih hnu khawih palhna kan hmui leh hnar vel kan khawih chuan awlsam takin kaichhawn theih a ni bawk.
H1N1 virus hi mihringin a lo kaiin engtin nghe a lo lan chhuah thin ?
Mihringin a lo kai chuan hritlang pangngai angin a lang chhuak ber thin
Khuh te, khawsik seng sengte, Hahchhiau te, Hrawkna leh luna te, taksa kham leh thawhah te, Pneumonia, khak danglam deuh leh chau ngawih ngawih leh thenkhat chu an luakin an kua a tha lo tel thei a ni.
