DAMDAWI TEL LOVA THISEN SANG ENKAWL DAN

C. Laldinmawii, Extension Educator

Thisen sang hi tunlai khawvelah chuan natna lar ber pawl a ni a, thil chi hrang hrang avangin thisen
sang hi a neih theih a ni. Inthlahchhawnna atang te, kal lam natna atang te leh taksaa tuihn^ng
(hormone) hnathawh a danglam te hian thisen sang a awm thei a ni. Thisen sang nei tan chuan rilru
hahna leh min delh rittu thil kan neih te hian thisen a ti sang zual thei a. Thau lutuk te, chi ei hnem te,
zu in te leh taksa sawi zawi that loh te hi thisen sang nei te hian an ngeih lo hle a ni.
Thisen sang hi natna zawiawi tak mai a ni a, taksaah a lang chhuak mai lo va, mahse zawi zawiin
taksa a tichhe telh telh thei a ni. Taksaah natna a lanchhuah tak tak erawh chuan thih mai theih
khawpin harsatna a tawh theih thung a ni. Chuvangin inenkawl \hat a ngai hle a, tihdam theih a ni
tawh lo va, mahse thisen sang tur kha damdawi te leh nunphung tihdanglam avang te in awmphung
pangngaiah kan dah thei a ni. Thisen sang nei te chuan kal \ha lo an nei duh hle a, kal hna thawk thei
tawh lo mi tam tak an awm mek a ni. Thisen a san chuan thluaka thisen dawt kha a insawr zim thei a,
a inhnawhping thut thei bawk. Hetiang a thlen tawh chuan thih thut theih a ni a, vanneih viau pawhin
taksa bung hrang khawi emaw lai chu che thei lovin a awm phah thei a, a \hente phei chu a z>ng hlen
thei a ni. Lung \ha lo an nei \hin bawk a, heart attack te an nei thut a, accident a awl hle a ni.
Thisen sang damdawi \ha tak tak te awm bawk mah se, B.P. sang thunun tur chuan ei leh in te uluk a
ngai a, nunphung leh kan thil chin \han \ha lo te pawh paih ngam a ngai a ni. Blood Pressure (B.P.) hi
mi thiam ten an sawi dan in 140/90 mm (140 hnuaiah 90) aia a san chuan inenkawl thuai tur a ni a.
Kum 60 chung lamah chuan 160 hnuaiah 96 aia a san chuan inenkawl vat tur a ni. Kan blood
pressure hi a nih dan tur tak chu 120 hnuaiah 80 a ni a, hei aia a san hret pawhin rei lo teah thisen
sang avanga harsatna chi hrang hrang kan nei thei a ni. Amaherawhchu, inenkawl thuai chuan
damdawi tel lo pawhin thisen sang tur kha a thunun theih a ni.
Thau lutuk hian kan taksaah thau chikhat, choles-terol a inkhawl \euh a, hei hian thisen sang leh lung
lam \hatlohna a thlen thei a. Kan rihna kan tih hniam a, exercise kan lak \hat chuan thisen sang
pangngai nei tan chuan damdawi ei lo pawhin a awm theih a ni. Chi kan ei \hinah hian thisen sang
ina a huat em em sodium a tel a, he sodium hian thisen sang a tizual a, ei hnem phei chuan lungphu
c_ thih theih a ni a, kal lam harsatna thlentu a ni thei bawk. Chi hian chaw ei a ti tui a, ni tina
kan ei tel ziah \hin a nih avangin ei loh tawp chu thil harsa a ni. Mahse zawi zawi a ei tlem zel tum a
\ha a, tunah chuan dawr hrang hrangah te thisen sang ei tur bik chi te an zuar ve zel a, heng chi hi ei
atan chuan a tha zawk hle a ni. Mizote hian chawhmehah chi kan telh a, chaw kan eiin kan chhawp
tel bawk a, kan chi ei hi nikhatah pawh a tam hle \hin. Thisen sang nei chuan chawhmeha telh hi duh
tawk thei mai se a tha hle ang. A nihna takah chuan thisen sang nei hian nikhatah chi gram nga bak ei
loh tur a ni a, chi hmer khat vel hi gram khat anga chhut a ni. Zu hi thisen sang nei ten an haw hle a.
Zu in thin ten ngaihdan pakhat an neihah chuan zu hi thisen sang ti hniamtu niin an ngai a, eng emaw
chen rilru a hahdam a, mahse B.P. chu nasa lehzualin a tih san phah thin.
Potassium tamna lam thil ei tam hian thisen sang a veng thei a. Thei lam chi leh coconut tuiah te hian
potassium a tam a, a theih hram chuan ei hnem a tha. Hetih rual hian thisen sang nei zingah pawh kal
\ha lo tam tak an awm a, kal \ha lo ten potassium an huat avangin ei loh tur a ni thung. Potassium
tamna kan ei hian chi kan taksa a tam lutuk tur kha a titlem ve thei a ni. Alu leh sanghaah te hian
potassium a tam hle a, kal natna nei lo tan chuan a \ha hle. Regular taka exercise lak hian thisen sang
tur a veng a, taksa a hrisel phah bawk. Hetih rual hian nasa lutuka exercise lak, entir nan ritchawi te
hi tih hauh loh tur a ni. Zing tlan, kal leh tui chen te hi a tha hle. Sa-ah hian cholesterol a tam hle a, sa
ti sen kan tih ho bawng sa, vawk sa, kel saah te hian a tam zual a, sa kan ei a nih pawhin sangha leh
arsa te hi thlan hram a \ha. Rim lutuk leh rit lutuka hnathawh hi B.P. sang nei ten an haw em em a,
intihhlimna hun leh hahdamna hun te insiam hram a tha. Blood pressure hi a ngai rengin a awm
mawh hle a, nikhat lekah pawh a danglam reng theih avangin a khat tawka B.P. check reng hi a
pawimawh hle. Chutah a lo sang deuh a nih chuan inthlahdah vang te a ni thei a, uluk zawka
inenkawl leh thuai tur a ni.
B.P. sang damdawi hi heng natna nei te tan chuan a \hat viau rualin kan ei a nih pawhin awmze neia
ei hram tur a ni a. A san nasat avanga ei hnem ngawt lovin, kan sawi tak tih tur chi hrang hrangte kha
kan zawm phawt chuan tlem tlem a kan ei zat kha tih hniam zawk a \ha hle ang. Damdawi ei hnem
hian side effect a neih theih avangin thlah ngawt chu a har deuh a nih pawhin dose tih hniam tum
hram a tha. Keimahni duh-thlanna ngeiin, damdawi ei ngai lovin hrisel takin kan awm thei a ni tih
hre thar leh theuh ila a \ha ang.