OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
PRESS HANDOUT
DATED AIZAWL
The 30th January, 2020
NTEP 3rd & 4th Quarter Review Meeting neih a ni.
2019 CHHUNGIN TB VEI MI 2927 HMUH CHHUAH AN NI
Nimin Jan 29 khan National TB Elimination Programme 3rd & 4th Quarter 2019 Review Meeting chu Conference Hall, Directorate of Health Services ah neih a ni a. He hun hi Dr. Zothankhuma Chhakchhuak State TB Officer chuan kaihruaiin, District tina District TB Officer te leh staff te nen hman a ni.
He hunah hian Dr. Eric Zomawia Mission Director, National Health Mission chuan thusawiin kum 2025-ah India ramah TB umbo tawh tur anih avangin thahnem ngai taka thawh a ngai tih a sawi a. Kan kal ngai renga kan kal chuan TB umbo theih a ni dawn lo tih sawiin inpekna tak tak nen thawh a ngai tih a sawi. Mission Director chuan TB awareness chungchangah theihtawpa tan lak uar deuh deuh a ngai tih a sawi a, private doctor-te pawh TB notification chungchangah hrilhhriatna neih tam a pawimawh tih a sawi.
Nikum 2019 chhung khan TB vei nia rinhlelh mi 17171 exam an ni a, chung zingah mi 2927 te chuan TB an vei tih hmuhchhuah an ni a. Heng zinga 38 te hi private atanga hmuhchhuah an ni. Tin MDR-TB vei hi mi 109 hmuhchhuah an ni bawk a. TB vei hi za zelah 93% tihdam an ni a. Kum 2018 chhunga TB vei hmuh chhuah aiin mi 428 in an tam zawk a ni.
Tin, TB vei hmuh chhuah zawng zawng zinga 12 te hi clinic atanga hmuhchhuah ni lovin Department-a thawktu ten TB hmu chhuak tura an feh chhuah (Active Case Finding) atanga hmuh chhuah a ni a. Mi 20,000 chuang endik an ni. Active case finding-ah hian TB programme lama thawkte kalchhuakin mihring awmkhawmna tamna hmun Jail, Home hrang hrang, TB case tamna etc te tlawhin endik thin an ni.
