OFFICE OF THE DIRECTOR,

HEALTH SERVICES : MINECO AIZAWL

MASS EDUCATION & MEDIA SECTION

PRESS HANDOUT

DATED AIZAWL : THE 6^TH FEBRUARY 2025

PRESS HANDOUT NO: 3/2/2025

NATIONAL PROGRAMME FOR PREVENTION AND CONTROL OF DEAFNESS (NPPCD) REVIEW MEETING CUM REFRESHER TRAINING NEIH A NI.

( F.Year 2024-2025 chhungin Mizoramah bengngawng 3433 hmuh chhuah an ni a. A thlawnin Bengdar 161 sem chhuah a ni.)

Vawiin 6^th February, 2025 (Ningani) chawhma dar 10:30 khan DHME Auditorium, MINECO-ah Bengngawng leh a kaihhnawih enkawlna Programme changtu National Programme for Prevention and Control of Deafness (NPPCD) te chuan kum 2024 chhunga an hmalakna thlir letna leh intuaitharna hun (Refresher Training) an hmang.

Vawiin Review Meeting leh Refresher Training hi session hnih-ah then niin Dr Robert L.Khawlhring, State Nodal Officer NPPCD in a kaihruai a. Session khatna-ah hian Chairman-in Welcome Speech a sawi hnu-ah Financial Year 2024-2025 inkara NPPCD Achievement, Report Analysis leh Fund Position chungchang ngaihthlak a ni. Hemi hnu hian District hrang hrang 9 aiawh ten District Presentation an pe bawk.

          Session hnihna-ah hian Thupui pawimawh hrang hrang thlan chhuah hmangin Dr.R.Zodingliana, MS (ENT), HoD ENT Civil Hospital Aizawl leh Ms. Lalrinchhani Audiologist C.H.A. ten Training an pe a ni.

          Vawiin Training report-in a tarlan danin nikum 2024 April atang khan Mizorama Bengngawng dap chhuak tura beihpui thlakna kal zelah Free Clinic tum 61 neih tawh a ni a. Mi 34,056 endik niin heng atang hian bengngawng mi 3433 hmuh chhuah an ni. Heng zingah hian bengngawnga chhiar theih chiah loh, beng lama harsatna nei si mi 13,403 an awm. Kum 2024 April thla Atanga December thla inkar chhung khan a thlawnin Bengdar 161 sem chhuah a ni bawk.

          NPPCD hnuaiah hian district 9-ah NPPCD Programme hi kalpui niin district thar pathum Saitual, Khawzawl leh Hnahthial-ah te pawh a rang thei ang bera neih thuai tum a ni a. Tunah hian mamawhna a san avangin khawl thar pahnih, Oto-acoustic emission (OAE Analyser) leh Tympanometer te chu district pahniha dah tura ruahman mek a ni bawk.

          Vawiin training-ah hian district 9 atangin Medical Officer, Audiologist, Audiometric Assistant leh Hearing Instructor eng emaw zat an kal a ni.