OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 7th Sept, 2018
33rd NATIONAL FORTNIGHT ON EYE DONATION
(25th AUGUST - 8th SEPTEMBER)
KHAR A NI TA
Eye Donation Fortnight hun chhunga mit donate phal, pledge chhang zawng zawng (1145) te nen mi 6513 in an mit an donate ta!
Dt. 25th August atanga ni 8 September 2018 inkar chhunga hman, National Eye Donation Fortnight vawi 33-na chu vawiin September ni 7, 2018 (zirtawpni) chawhnu dar 1:00 khan Health Directorate Conference Hall-ah kharna hun hman a ni.
Vawiina Eye Donation Fortnight kharna inkhawm hi Dr. F.lallianhlira, Principal Director, Health & Family Welfare Department chuan a kaihruai a. Rev.Lalzuitluanga, Chaplain, Civil Hospital, Aizawl in Pathian hnenah inhlanna hun a hman zawh hnu-ah Dr.Lalremmawii, State Programme Officer, National Programme for Control of Blindness chuan thusawina hun a hmang a ni.
Hemi hnu hian Corneal Transplant dawngtu Chanchinmawia, Sialhawk hnen atangin thusawi ngaihthlak a ni a. Eye Bank lam atangin Dr. Enghmingliani, Head of Eye Deptt. CHA in Report a pek bakah Dr Lalrozama, IAS Mission Director NHM chuan thusawina hun a hmang bawk a ni. Huntawp hi Dr. H.Lalchungnunga, Director of Health services chuan lawmthusawina in a khar thung.
Dr. Lalremmawi, State Programme officer, NPCB & VI report in a tarlan danin Kumin Eye donation fortnight chhung hian State-ah leh district hrang hrang - School, College-ah te MUP, YMA leh MHIP hnenah te awareness neiin mit donate tura pledge chhang theite khawn a ni a. Hemi chhung hian mi 1145 in mit donate turin pledge an chhang a. Kum 2017-2018 chhunga mit pe mi 47 chhungte hnenah chawimawina thuziak (certificate) hi district tinah sem chhuah a ni bawk. Kum 2018 July ni 19 thlengin cornea hi 40 lak ni tawhin mit darthlalang (cornea) 15 thlak sak an ni tawh bawk.
Aizawl CH-ah Mizoram Eye Bank kan lo nei ta a. He Eye Bank hi kum 2008, 31st July-ah hawn niin hemi ni atanga tun ni 6.9.2018 thlenga thih hnua mit donate tum in register tawh mi 5368 an awm tawh a. Mit dawng tur, mit thlak ngai in register hi mi 314 an awm tawh bawk. Tun thleng hian thih hnua mit pe tawh hi mi 348 an ni. (Cornea -690) Kumin eye donation fortnight hun chhunga mit donate phal pledge chhang zawng zawng nen chuan mi (5368+1145) 6513 an awm tawh a ni.
