OFFICE OF THE PRINCIPAL DIRECTOR 
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)

DATED AIZAWL 
The 9th  September, 2019

34TH EYE DONATION FORTNIGHT KHARNA HUN HMAN A NI


 September ni 9, 2019 (Thawhtanni) chawhnu dar 1:00 khan Directorate of Health Services Conference Hall-ah Eye Donation Fortnight vawi 34-na kharna inkhawm neih a ni a, he hun hi Dr.F.Lallianhlira, Principal Director, H&FW Department chuan Khuallian niin a hmanpui.


Vawiina Eye Donation Fortnight kharna inkhawm hi Dr.Eric Zomawia, Mission Director, NHM chuan Chairman niin a kaihruai a. Rev. F. Lalchhuanmawian Pathian hnena Inhlanna hunserh a hman zawh hnu-ah Dr.Lalremmawii State Programme Officer, National Programme for Control of Blindness(NPCB&VI) leh Dr.Lalhmingmawii, Eye Surgeon Mizoram Eye Bank, Civil Hospital Aizawl te hnen atangin Eye Donation chungchang Presentation ngaihthlak a ni. Hemi hnu hian mit donate-tu chhungte hnenah lawmpuina leh chawimawina hlan a ni a. Tin, C.Rothuamliana, Eye Bank Technician cum opthalmic Assistant hnen atangin technical report ngaihthlak a ni bawk.


He huna thusawitu Dr.F.Lallianhlira, Principal Director chuan Mipuiten mamawhtute tana mit donate pawimawhzia kan hre thar chho zel chu lawmawm a tih thu sawiin hemi kawngah hian nasa zawka tan la thar turin kalkhawmte a fuih a ni.


Eye Donation fortnight hi kum 1985 atanga neih tan a lo ni tawh a. Mizorama kan Eye Bank hmasa ber hi Civil Hospital Aizawl-ah July ni 21, 2008 khan neih tan niin mit thlak hmasak ber hi kum 2009 khan hlawhtling takin neih a lo ni tawh a ni. Tuna District thar pathumte leh Lawngtlai District tih lohah chuan Eye Ward leh Eye OT hi neih vek a ni tawhin Eye Surgeon te an awm vek tawh bawk. 

Ni 27.8.2019 thlenga thih hnua mit donate duh in register hi mi 6894 lai an tling tawh a. Mit dawng tur mit thlak ngai in register hi mi 33 an awm a. Tun thleng hian thih hnu-a mit pe tawh hi mi 386 an ni. Kumin Eye Donation Fortnight chhung hian district hrang hrangah thih hnu-a mit pek tum Doner Pledge chhang tawh mi 580 an awm a. An la pung chho zel bawk a ni. Kumin Eye donation hman chhung hian district-ah mit donate duh mi 20 aia tam an awm chuan staff ten a hmunah kal chilhin an pan thei zxel dawn a ni.