AB-PMJAY 1st State Level Review Meeting

Ni 03.05.2019 (Friday) khan AB-PMJAY 1st State Level Review meeting chu neih a ni a. Dr.F.Lallianhlira, Principal Director, H&FW in a kaihruai.

AB-PMJAY kalphungleh a kal zeldan tur Dr. Biakthansangi, CEO, MSHCS presentation a nei a. Khual zahawm H.Lalengmawia, Secretary, H&FW in review meeting a lo kalte fuih tharna hun a hmang bawk.

He review meeting-ah hian District hrang hrang atangin District Medical Superintendent, Chief Medical Officer, Senior Medical Officer te leh Medical Officer thahnemtak an lo kal a, AB-PMJAY chungchanga hmasawn a nih theihna turte chipchiar taka sawiho a ni. He hunah hian AB-PMJAY-a insurance company thawhpui, Bajaj Allianz General Insurance Company hotute pawh an tel. Anni ho te nen hian RSBY chungchang hi ngun taka sawiho a ni a, Hospital thenkhata bill pending tlem la awmte pawh chin fel thuai a nih theih nan inbiakna neihpui an ni.


AB-PMJAY CHUNGCHANGA HRIAT TUR PAWIMAWHTE:

AYUSHMAN BHARAT – PRADHAN MANTRI JAN AROGYA YOJANA

(AB-PMJAY)

 

AB-PMJAY hi enge?

-          AB-PMJAY hi kumkhatah chhungkaw pakhat tana cheng nuai nga hu thlenga hospital-a in enkawl theihna tura ruahmanna (scheme) a ni.

-          Ni 23 September, 2018 khan sorkar laipui, Ministry of Health and Family Welfare in a tlangzarh.

Enge a thiltumte?

-          Mi harsa zualte’n damdawi ina enkawlna an ban phak ve nan (improve affordability)

-          Mi tam zawkin enkawlna tha an dawn theih nan (improve accessibility)

-          Damdawi ina enkawlna a lo that zawk theih nan (quality of care)

-          Hamthatna dawngthei (beneficiary) te’n a thlawna damdawi ina enkawlna dawn (cashless)

-          Mi rethei zawkte tan damloh nikhuaa senso hautak lutuk (catastrophic expenditure) laka venhimna

Tute nge hmang thei?

-          2011 inchhiarpui (census) atanga Socio-economic and Caste Census (SECC) list-a awmte leh RSBY Smart Card nei

-          Mizoram bikah: Mizoram State Health Care Scheme 2018-19 a inziak leh October 2018 thlaa AB-PMJAY atana inziaklutte tel belh an ni.

Mipuite mawhphurhna

-          Golden Record siam theihna hmuna siamtir

-          Damloh nikhuaah Golden Card nei chuan a hman theihna hospital-ah lantir (show) tur

-          Harsatna neih chuan Health Care Office, Dinthar ah emaw, Helpline-a report vat.