OFFICE OF THE DIRECTOR
DIRECTORATE OF HEALTH SERVICES
(MASS EDUCATION & MEDIA SECTION)
(PRESS HAND OUT)
DATED AIZAWL THE 12nd July, 2023
AB-PMJAY CHUNGCHANGAH REVIEW MEETING NEIH A NI
Ni hnih awh tur Ayushman Bharat Pradhan Mantri Jan Arogya Yojana (AB PM-JAY) State Review Meeting chu State Health Agency, Health & Family Welfare Department, Govt. of Mizoram bultumin vawiin 12th July, 2023 khan Assembly House Annexe Building-ah tan a ni a. Pi Esther Lal Ruatkimi IRS, Principal Secretary H&FW in Khuallian niin a hmanpui.
He Review Meeting-ah hian Dr. Vanlalsawma, Director of Health Services-in kalkhawmte lawmna thu a sawi hnu-ah Khual Zahawm Dr. Lalramliana, Principal Director in fuihna thu a sawi leh a. Hemi hnu hian Dr. Biakthansangi, Chief Executive Officer-Mizoram State Health Care Society, AB PM-JAY Scheme kal kawnga hlawhtlinna hrang hrang bakah, harsatna tawh leh kal leh zel dan tur a sawi lang bawk a ni.
He huna thusawitu Pi Esther Lalruatkimi IRS, Principal Secretary chuan kalkhawmte fuihna thu sawiin, "Health Department chu damlo enkawltu department kan nih angin damlo leh mipuite tana thlamuanna thlentu kan nih a ngai a. Mahni hna thiam mai bakah a ken tel chi hrang hrangte hi kan kan vawn nun reng a tul thin," tiin review meeting hlawk taka hmang turin duhsakna a hlan a ni.
Ayushman Bharat Pradhan Mantri Jan Arogya Yojana (AB PM-JAY) scheme hi kum 2018 September atang khan Mizoramah hman tan niin chhungkaw harsa thlan chhuah (Socio Economic Caste Census, SECC-2011 leh Rashtriya Bima Swasthya Yojana, RSBY-2018) a tel chhungkua te tana duan a ni a, tunah rih chuan he thlan chhuah list a awm te chauh hian an hmang thei a, he scheme hmang tur hian a hmang theihtu mimal tin ten Ayushman card/ Golden card an neih a tul a ni.
Tun thlengin Mizoram chhungah Golden card 4,37,037 chu chhungkaw 1,36,083 te tan siam tawh a ni a, inenkawlna bikah damlo mi 95,826 ten hmang tangkai tawhin inenkawlna senso atan hian ₹ 70,01,01,233/- sen ral a ni tawh bawk.
He review meeting-ah hian Mizoram chhunga AB PM-JAY hman kawngah state level-a hospital ti tha ber leh district tina hospital ti thate bakah district tina nodal officer/medical officer leh Arogya Mitra thlan chhuah te chawimawina hun hman a ni a. State Level-ah hian State Referral Hospital chu thlan niin PHC Level-ah Thingsulthliah PHC thlan chhuah a ni. Hei bakah hian Medical Officer Award chu Dr. Lawrence Lalramenga, Thingsulthliah PHC hnenah hlan niin Prime Minister Arogya Mitra hi K.Vanlalnghaki, Thingsulthliah PHC hnenah hlan a ni.
Vawiina Review Meeting-ah hian district tin atang leh Hospital tin atangin Senior Chief Medical Officer leh Senior Medical Superintendent, Medical Superintendent, Deputy Chief Medical Officer ten presentation pe in, Medical Officer leh Arogya Mitra ten an tawiawm bawk a ni.
