OFFICE OF THE PRINCIPAL DIRECTOR GOVERNMENT OF MIZORAM HEALTH & FAMILY WELFARE DEPARTMENT

PRESS HANDOUT

 

Dated Aizawl the 20th June, 2019


AJINOMOTO DIK LO LAKAH FIMKHUR A NGAI


          Dr. Lalsawma, Deputy Commissioner Food Safety cum Joint Director, Food & Drugs chuan ei atana him lo Ajinomoto chungchangah hetiang hian thuchhuah a siam. 


               Tunlai hian Mizoramah 'Ajinomoto' tih hmingpu ei atana zawrh leh hralh chhuah chi hnih a awm a, rampawn atanga lak luh ve ve an ni. Pakhat chu ram pawn atanga FSSAI phalna hnuaia dan ang thlapa Ajinomoto India Provate Limited Chennai-in a lakluh a ni a, hei hi ei atana him tura ngaih a ni. SA pakhat dang leh chu phalna awm lova lak luh leh zawrh niin a label pawh Food Safety & Standard Act 2006 and Rules & Regulation, 2011 duhdan kalha siam a ni.


                     He dan lova lakluh Ajinomoto hi Laboratory-a thawn a ni a,result hriattir thuai beisei a ni. Eitur him lo laka kan fihlim theih nan mitin fimkhur tura ngen leh hriattir kan ni e tiin thuchhuah-ah chuan a tarlang.


                       Ajinomoto leitu reng rengin a hma lam emaw, a hnung lam emaw ngun taka enin 'FSSAI' label a chuang lo anih chuan hriselna atana tha lo leh mihring tana nghawng pawi thlen thei a ni tih hriaa lei hauh lo turin mipuite an hriattir a ni.