ANM SCHOOL AIZAWL, ZEMABAWK TEN 5th LAMP LIGHTING & CAPPING HUN AN HMANG
Vawiin Nov Ni 5 ah ANM School Aizawl ten 5th Lamp Lighting & Capping hun an hmang. Dr Vanlalsawma ,Principal Director, H&FW Department chu khuallian niin, Capping and Lamp lighter ah Pi Lalchhanhimi , Joint Director , Directorate of Nursing a ni.
He Program ah hian Pi T Rozami Principal ANM School Aizawl chuan school chanchin tlangpui report pe in, zirlai zirchhuak tawhte hna hrang hrang an thawh dan leh ram pawn lam thlenga kal tawh an awm thu a sawi.
Vawiin ni atana kan Lamp Lighter leh Capper Pi Lalchhanhimi, Joint Director, Director of Nursing chuan Auxillary Nurse Midwifery (ANM) zirlaite chu lukhum khum tur an nih angin thianghlimna ngaipawimawh a, Florence Nightingale hnung zui a Bati an chhit turah hian eng chhi chhuaktu tur an nih thu sawiin, Pathian leh mipui hmaa thutiam an laknaah hian Rinawmna, Inpekna leh Taimakna nun chhuahpui turin a fuih bawk a ni.
Kan Khuallian Dr Vanlalsawma ,Principal Director, H&FW Department chuan capping & lmp Lighting pawimawhnate sawi nawn lehin zirlai lukhum khum tharte chu an thutiam vawng reng tur a a duh thu sawi a, damlo enkawlna tha ber pe chhuak tur chuan hmangaihna nen damlote enkawl a, thahnemngai tak a hna thawk turin a fuih bawk ani. Zirlai tharte chu an kal zelna turah duhsakna a hlan nghal bawk ani.
Dr. Hmingthanmawii, Director, Directorate of Health Services chuan Distribution of Proficiency Award hlanna hun a hmang a, he program ah hian zirlai ti tha te chawimawina hun hman a ni a, Kum 2023-2024 a Mizoram Nursing Council final exam ah pawh Mizoram Topper hial neiin, School in hun hmasa lamah te pawh Topper leh zirlai ti tha tak tak an lo nei tawh a ni.
