GOVERNMENT OF MIZORAM
HEALTH & FAMILY WELFARE DEPARTMENT

(PRESS HANDOUT)

ASHA LAK THAR mi 104 TE TAN INDUCTION TRAINING BUATSAIH A NI

Dated Aizawl The 21.3.2017

Nau piang thihna leh Nu, nau chunga thihna tih hniamna kawnga thawktu pawimawh tak, ASHA te puala buatsaih Induction Training for Newly 104 Selected ASHA, ni 9 chhung awh tur chu vawiin March ni 21 (thawhlehni) 2017 atangin Youth Hostel, Luangmual-ah neih tan a ni.

National Health Mission hnuaia ASHA lak thar te puala Induction training buatsaih hi Dr.R.Lalchhuanawma, State Nodal Officer (Community Process) NHM in a kaihruai a. CHairman Dr.Lalchhuanawma chuan, training hun duhawm tak hmang turin ASHA lak tharte duhsakna a hlan a. Dr.Lalthantluanga, State Programme Manager in hawnn thu sawiin kalkhawmte fuihna hun a hmang bawk.

Thusawitu, Dr.Lalthantluanga.SPO chuan ram changkang tehna chu IMR leh MMR-ah nasa taka a innghah thu a sawi a. India ram pawh hi IMR leh MMR-ah kan la san avangin ram changkang te zingah rin luh hleihtheih kan la ni lo va, chuvangin, chhungkua, khawtlang ram leh khawtlang changkanna nei tur chuan IMR leh MMR-ah kan tlakhniam a ngai a, chumi atana thawktu pawimawh tak chu ASHA te in nih avangin in mawhphurhna sang tak in nei a ni a ti.

Tun tumah hian District 9 atanga ASHA lakthar mi 104, Induction Training la paltlang lo ten Training hi an nei a. ASHA Trainers C.Lalthanzami, Lalmuanpuii leh Emmanuelle Lalthazuali ten heng topic hrang hrang heng :

1. Being ASHA

2. Activities of ASHA

3. Essential Tast for ASHA

4. Violence Against ASHA

5. Value of an ASHA

6. SHA Support & Supervision

7. VHND

8.ASHA Drug Kit tih te hmangin zirtirna hun an hmang thin dawn a ni. ASHA lak tharte hi Youth Hostel, Luangmualah thlen khawm tir an ni a.
He training hian March ni 29 thleng a awh anga, chhun zan zawmin Training hi an nei thin dawn a ni