OFFICE OF THE PRINCIPAL DIRECTOR

GOVERNMENT OF MIZORAM

HEALTH & FAMILY WELFARE DEPARTMENT

PRESS HANDOUT

Dated Aizawl the 5th March, 2019

ASHA MOBILIZERS REFRESHER TRAINING NEIH A NI

Vawiin March ni 5, 2019 (Thawhlehni) hian Community Process Programme, NHM, H&FWD buatsaihin Directorate of Health Services Conference Hall-ah ni thum awh tur ASHA Mobilizers te tana Refresher Training  chu hawn a ni.

He Refresher Training hawnna inkhawm hi Dr.Eric Zomawia, Mission Director, NHM chuan Khuallian niin a hmanpui a. Dr. Eric-a chuan ASHA Mobilizers te hnathawh pawimawhzia sawiin tih tak taka thawk turin a fuih a. Hriselna kawnga ram hmel ti danglam dawrh theitute in nih avangin phur leh thatho taka hna in thawh hian malsawmna ropui tak in thlen a ni a ti.

He Training ni 3 chhung awh turah hian chaw tha ei chungchang, Health & Sanitation, Nu naupai chungchanga hriat tur, naute hnute pek dan dik, nu, naute leh khawtlang hriselna chungchangah te zirtirna pek a ni dawn a ni.

ASHA Mobilizers te hi ram chhunga ASHA te zirtir tur leh puih an ngaih apianga puitute an ni. ASHA Mobilizer 1 zel hian ASHA 10 atanga 20 vel zel an enkawl a ni. Tun dinhmunah ah Mizoramah hian ASHA 1091 leh Mobilizers 109 an awm mek a ni.