OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
(MASS EDUCATION AND MEDIA SECTION)


(PRESS HANDOUT)

DATED AIZAWL 
THE 19th June, 2018

ASPIRATIONAL DISTRICT-AH MAMIT THLAN A NI

Vawiin June ni 19, 2018 chawhma dar 10:30 AM khan Directorate of Health Services Conference Hall-ah Principal Director, Health & Family Welfare Department kaihhruaina in NITI Aayog hnuaia Aspirational district atana thlan Mamit district chungchanga department hmalakna te DHS Conference Hall ah sawiho ani. 

National Institution for Transforming India (NITI) Aayog chuan India ram puma states 28 a district hnufual bik 115 a thlan zingah Mizorama districts 8 zing ami Mamit chu thlan tel ani a. District hnufual thlan nan hian hmasawnna teh nana tehfung hman tlanglawn – hriselna, nitin eizawnna, thlak thar, power supply, zirna lam, tui supply, inthiarna tha, etc. – te hmanga hman ani. Heng district thlan chhuah te hian hma an sawn chuan, United Nations Development Programme (UNDP) in Human Development Index (HDI) a tihchhuah thin ah pawh India ramin hma a sawn theih beisei ani. India hi ram 188 zingah 131 na ani tawk ani.

 

NITI Aayog in a beisei dan chuan heng Aspirational districts thlan chhuah te hi state tin sawrkar ten ngai pawimawh in District Vision Document & Action Plan 2022 district atanga siam te tihhlawhtlin a tum tur ani.

 

Health & Family Welfare Department pawhin Action Plan a siam tawhin Mizoram sawrkarah thehluh tawh ani a. NITI Aayog in hriselna (health) leh nutrition zawna Aspirational district tehna tur indicators 30 a thlan chhuahte zawna hmasawnna nei thei turin hma lak mek ani. Health and Nutrition Indicators te hi a tlangpui thu chuan – nu naupai in enkawlna (antenatal care), nu hriselna (anaemia), nau neihna hmun (institutional delivery), nau chhartu (skilled-birth attendance), nau hnute pek, naupang hriselna (nutrition kaihhnawih), hritlang leh kawthalo enkawlna, hridanna, TB enkawlna, Sub-centre te tihchangtlunna (health & wellness centres), Anganwadi te tihchangtlunna leh Indian Public Health Standards (IPHS) in a duan anga PHC leh District Hospitala manpower dah te ani.

 

Tun dinhmunah chuan Mamit district hi Mizorama districts dang te aiin kawng tam takin a hnufual a. Health & Family Welfare Department in hna a thawhna ah chuan manpower neih changtlun hi a pawimawh hle a. District Hospital, Mamit ah hian tun dinhmunah hian Specialist – 6 an awma. Heng zingah 3 te hi tun hnaia dah thar an ni. Medical Officer awm lohna Primary Health Centre (PHC) 1 a awm bawk.

 

June ni 1 atanga August ni 15, 2018 chhung hian Extended Gram Swaraj Abhiyan (EGSA), Ministry of Panchayati Raj hnuaia Aspirational Distrit, Mamit ah hman ani dawna. Hetah hian Health Department lam atang chuan hridanna (Immunization), PHC thlanchhuah te tihchangtlun nan leh TB natna enkawlna lama beihpui thlak nan te hman tum ani.

 

Aspirational District, Mamit in hma a sawn theih nana kan hmalakna te uluk taka thlir reng ani dawna. Indicators thlan chhuah te leh department in tul a tih anga a belh te hmangin hmasawnna teh ani dawn ani. Health & Family Welfare Department, Government of Mizoram department chuan Mamit district tana, programmes hrang hrang te hnathawh uluk takin a endik reng dawn ani.

 

Aspirational Districts hrang hrang te dinhmun NITI Aayog online interactive portal http://niti.gov.in/content/aspirational-districts-baseline-ranking-map ah en theih reng ani.