OFFICE OF THE DIRECTOR

DIRECTORATE OF HEALTH SERVICES

MINECO : AIZAWL

 

MASS EDUCATION & MEDIA SECTION

 

PRESS HANDOUT

Dated Aizawl the 26th  September 2024

No. PH. 15/09-MEM/2024

 

BENGNGAWNGTE TAN A THLAWNIN BENGDAR 36 SEM CHHUAH A NI


 

National Programme for Pre­vention and Control of Deafness (NPPCD) buatsaihin vawiin ni 26.9.2024 hian DHME Conference Hall-ah beng hriatna lama harsatna tawkte puala ni bik ‘World Day of the Deaf’ hman a ni a, Pi Lalrinpuii, Health Minister chu Khuallian niin, Pi Sangchhin Chinzah IAS Secretary H&FW chuan hun a kaihruai a ni.

 

World Day of the Deaf pual hun hman inkhawm hi chawhnu dar 3-ah neih a ni a. Hun kaihruaitu Pi Sangchhin Chinzah IAS, Secretary H&FW chuan kalkhawmte lawmna thu sawiin hun a hmang a. hemi hnu hian Dr.Zonunsangi MS ENT Department Civil hospital Aizawl hnen atangin kumin thupui “Sign up for sign languages Right” tih hmangin presentation ngaihthlak a ni a.

 

He huna thusawitu Pi Lalrinpuii Health Minister chuan,Pathianin hriatna hrang hrang min pek zingah beng hian kan nunah awmzia a nei thui hle a. Beng hriatna lama harsatna neite dinhmun hi kan hriat thiampui a ngai hle a ni. Beng hriatna chak lo leh bengngawng kan kan en danah hian rilru put hmang kan thlak a ṭul tak zet a ni. Anmahni chhawmdawl turin theih tawp i chhuah zel ang u” a ti.

 

Dr.Zonunsangi ENT presentation-in a tarlan danin Khawvel pumah hian mihring maktaduai 466 awmin India ramah hian mihring maktaduai 63 lai bengngawng an awm a. Kum 2008 atanga 2018 inkar chhung khan bengngawng tam sang filawr ram pathum zingah India ram hi a awm a ni.

 

Vawiin World Day of the Deaf puala hun hmanah hian bengtha lo thlan chhuah mi 36 te hnenah Bengdar a thlawna sem chhuah a ni. Tun tuma Bengdar sem chhuahte hi Deen Dayal Sravana Foundation (DDSF), Andhra Pradesh & Coal india Ltd., Kolkata te sponsor a ni a. Anni hnuaiah hian  NPPCD Mizoram chuan a thlawnin bengdar 287  an lo sem chhuak tawh a. Nikum lamah pawh han Mizoram Governor Dr. Hari Babu Khambampati chuan a chenna hmun Raj Bhavan Durbar Hall-ah bengdar thahnem tak a lo sem chhuak tawh bawk a, Bengdar sem chhuahna atana senso zawng zawng hi Rs. Nuai 90 chuang a ni tawh bawk a ni.

 

NPPCD hi India ramah August 2006 aṭangin kalpui a ni a, Mizo­ramah chuan August 2014-ah kalpui ṭan a ni. 2024 – 2025 Financial Year huam chhungah Kumin August thla thleng khan mi 73573 endik zingah beng lama harsatna nei 21683 hmuh chhuah niin Beng hriatna tha lo zual 5444 an awm. Bengdar vuah ngai mi 2462 hmuh chhuah niin beng zaisak 159 an awm tawh bawk a ni.

  

 Vawiinah hian Ephatha Special School leh Redeem Garden school naupang ten programme kar lakah hun an hmang bawk a. Dr.Lalthlengliani Director, DHME chuan lawmthu sawiin hun hnung a khar a ni.

Attachment