PRESS RELEASE

BREAST CANCER AWARENESS MONTH

            Breast Cancer awareness month hi kum tinin October thlaah hman thin a ni a. NHM hnuaia NP-NCD programme bul tumin Ni 20 Firday, 2023 hian, Auditorium, DHME ah he hun hi hman niin, khuallianah Dr. Lalmalsawmi Sailo, Director, H&ME hman a ni a. He hun hmang tur hian MHIP HQs leh branch thenkhat te, PC Girls School, Grace Girls Hostel te sawm an ni a. Programme hi Dr. SR. Ngurchamliana, Addl. Director in a kaihruai a, Hnute Cancer chungchanga hriat tur pawimawh leh zirtirna tha tak Dr. Jeremy L. Pautu, DM, Director MSCI hnen atangin kan ngaithla a. Lalfakawmi Fanai, Asst. Professor, MCON hnen atangin Hnute Cancer a neih tawh chungchanga a tawnhriat thu tha tak kan ngaithla bawk a. Khuallian Dr. Lalmalsawmi Sailo, MD, Director, H&ME hnen atangin he hun hman atanga kan thu hriat pawimawh tak tak te ngawih bo pui mai lo tura a remchanna apiangah theh darh turin kal khawmte a chah a ni.

            He Breast Cancer Awareness Month hian a tum ber chu khawvel pum huapa Hnute Cnacer chungchanga zirtirna thehdarhna hun atan hman thin a ni a. Hmun hrang hrangah a remchang dan angin media a thehdarh turin Slogan te, Flyer te siam thin a ni a. Mizoramah pawh NP-NCD programme hmalaknain he Breast Cancer Awareness hi a tum khatna atan hman a ni a, hun hlawkthlak tak hman a ni.