OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
GOVERNMENT OF MIZORAM
DATED AIZAWL THE 24th August, 2017
AIZAWL EAST DISTRICT HOSPITAL (CIVIL HOSPITAL, AIZAWL) HNENAH STATE LEVEL CERTIFICATE FOR NATIONAL QUALITY ASSURANCE STANDARD HLAN A NI.
State Quality Assurance Committee, Mizoram chuan vawiin ni 24, August, 2017 khan State Level Certification for National Quality Assurance Standarts (NQAS) chu Aizawl East District Hospital, Civil Hospital Aizawl hnenah a hlan.
He certificate hlanna hun hi Secretariat Conference Hall-ah neih niin Pu _ Fanai, Commissioner & Secretary H&FW, State Quality Assurance Committee Chairman ni bawk leh Dr.Lalrozama, IAS, Mission Director, NHM ten an hmanpui a ni.
Chairman Pu _ Fanai, IAS chuan welcome address sawiin thawktute inpekna rah duhawm an seng ta chu lawmawm a tih thu a sawi a. India ram pumah pahnihna dinhmun hial hauh thei leh hmarchhak state-ah pakhatna dinhmun luah phak thei tura thawhhona tha tak chu fakawm a tih thu a sawi a. Dr.Lalrozama, IAS Mission Director pawhin thu tawi sawina hun a hmang a. Tunlai hunah Public Sector aia Private sector ten san lam an pan mek lai karah vantlang mi nawlpuite chhawr phak ni bawk si a hlawhtlinna kan hmu hi thil ropui tak a ni a. He quality hi hmasawn leh zual thei tura kan vawn nun reng a ngai a ni a ti bawk.
He mi hnu hian Certificate hlanna hun hman a nih zawhin Dr. Renee Lalrinzuali, State QA Assessor leh Dr. K.Lalremsanga, Medical Superintendent ten Facility Report an pe chhunzawm leh bawk.
State Level NQAS Certificate dawng tur hian Central Sawrkarin tehfung hrang hrang a siam sa, Quality Asurance standard hmangin vawi tam tak endika point pek an ni a. Chumi hnuah chuan 70% hmuh turah 83% hmuin he State Level Certification dawng thei tur hian an lo tling ta a ni.
Civil Hospital Aizawl hian National Level Assessment pawh paltlangin 81% an hmu a, Central-in Assessors tur mithiam pathum a tirh ten tehna hrang hrang an siam te hmangin kar khat chhung zet an rawn en dik a. April 2017 khan National Level NQAS Certification hial pawh dawng thei turin an tling ta a ni. He hun hi kar leh August ni 30, 2017 hian hman tura ruahman a ni a, Central lam atangin he certificate hlan tur hi an rawn kal dawn a. Health Minister Pu _ hovin he hun hi hman a ni ang.
Civil Hospital Aizawl hi India rama NQAS Certification dawng thei hmasa ber pahnihna an ni a, India hmarchhakah chuan a dawng thei hmasa ber a ni ta a ni.
He Programme leh endikna in a tum ber chu kan damdawiin ten kawng tinrenga Quality tha thei ang ber an nei bakah an pek chhuah theih nana hmalak a ni a. Hemi ti hlawhtling tur hian State Quality Assurance Consultants te leh Central lam atanga mithiam ten damdawiina hnathawkte training pein hemi hnu hian department tinte tehna tur point hrang hrang siam sa point 300 chuang hmanga teh leh endik leh vek an ni a. Tichuan, State Level leh National Level Assessors te hialin an endik leh ve ve hnu-ah he lawmman hi Civil Hospital Aizawl chuan a lo dawng thei ta a ni. He dinhmun luah tur hian Civil Hospital Aizawl hian fiahna leh endikna chi hrang hrang a paltlang hnem hle.
Vawiin Programme-ah hian Health Deptt hnuaia Officer, Programme officer hrang hrangte leh SQAC Mizoram, District Quality team, Civil Hospital Aizawl leh State Quality Assurance Unit Mizoram-te an tel kim hle a ni.
