OFFICE OF THE DIRECTOR
HEALTH SERVICES : MINECO AIZAWL
MASS EDUCATION MEDIA SECTION
Dated Aizawl
The 31st July 2024
PRESS HANDOUT
No. 17/07/2024
NATIONAL PROGRAMME ON CLIMATE CHANGE AND HUMAN HEALTH
Vawiin ni 31st July (Nilaini) hian DHS Conference Hall, Dinthar-ah Aizawl-a Traffic Police-te tan Climate Change and Human Health chungchangah Sensitization Training buatsaih a ni a, he training-ah hian Traffic Police mi 80 bawr vel an tel.
He training hawnna inkhawmah hian Dr. B. Lalthantluanga, State Programme Manager, NHM chuan Welcome speech a sawi a. Hemi hunah hian Dr. Vanlalrengpuia Chinzah SNO, NPCCHH chuan Brief Introduction hun a hmang a. Dr. Rengpuia chuan khawvelin a vei berte zinga mi Climate Change vanga harsatna thleng mek leh hriselna kawnga nghawng thui tak a neih theih thute sawiin, India ram chhung ngeiah pawh heatstroke vanga nunna chan mi za (100) chuang lai an lo awm tawh thu a sawi bawk. Tin, Traffic Police kal khawmte nena thupui nena inmil tur zawnga hmalakna leh zir hona awm thei chu lawmawm a tih thu a sawi bawk a ni.
Hemi hnu hian Stephen Lalrinawma MPS, SSP Traffic Aizawl chuan Traffic Police duty dan kalphung leh harsatna awm thei laka hma an lak thin dan sawi zauhna hun hmangin Traffic Police-te mahni inenkawl uluk leh zual turin a chah thar bawk. Hmun tam zawka chetsualna thleng thinah First Responder an nih fo thin thute a sawi a. Traffic police-te khaw lum lutuk ina an taksa a nghawng theih dan chungchangah zirtirna pe a training an buatsaihsak chu lawmawm a tih thu a sawi.
Rosie Zosangkimi Cunsultant, NPCCHH chuan NPCCHH hmalakna tarlangin hun a hmang leh a. Tin, Dr. Walter Lalnuntluanga Sailo, DNO, NPCCHH chuan khaw lum avanga natna awm theite leh a inven dan zirtirna pe in Dr.B.Lalthantluanga, SPM, NHM chuan traffic police-te tana pawimawh boruak bawlhhlawh vanga natna awm thei leh a inven dan chungchangah zirtirna a pe bawk a ni.
Dr. Vanlarengpuia, SNO chuan training te tan Certificate semin hun hnung a khar a ni.
