Vawiin August ni 13, 2019 (thawhlehni) chawhnu dar 3:00 khan Dr.F.Lallianhlira, Principal Director, Health & Family Welfare Office Chamber-ah Health Department hotuten Comprehensive National Nutrition Survey Mizoram 2016 findings te zirhovin he zirchianna hun hi Dr.F.Lallianhlira, PD in a kaihruai a ni.
He hunah hian Comprehensive National Nutrition Survey Findings chungchang petu Dr Zorinsangi, State Nodal Officer (Training) chuan powerpoint presentation hmangin report a pe a. He a report-in a tarlan danin he survey hian nausen piang hlim atanga kum 19 inkar ei leh in bakah hriselna kaihhnawiha an dinhmunte a zir chiang a. He zirchianna hi Ministry of Health & Family Welfare leh a kawppui UNICEF te hmalakna a ni.
He zirchianna atanga a lan dan chuan Mizoram pumah kum 5 hnuai lam mahni rihna aia tur phak zo lo 11.3% an awm a, kum 5 leh kum 9 inkarah mahni san zawng tur phak lo 23.6% awmin kum 5 hnuai lamah 28% an awm bawk. Tin heng bakah hian:
Anaemia (thisen tlakchhamna)
Kum 1 - 4 - 24.2%
Kum 5-9 - 14.4%
Kum 10 – 19 - 18.1%
Vitamin B12 tlakchhamna
Kum 1 - 4 - 6.3%
Kum 5-9 - 4.3%
Kum 10 – 19 - 10.5%
Vitamin A tlakchhamna
Kum 1-4 - 39.2%
Kum 5-9 - 46.8%
Kum 10 – 19 - 21.9%
.....an awm bawk a ni.
He zirchianna hian kum khat atanga kum 19 inkarah natna benvcawn thlen thei thisena cholesterol leh triglyceride level uluk takin a zir chiang bawk a. Heng thilte hian natna benvawn naupangin a vei chhoh theih dan a lantir bawk a ni. Heng officer te hian hetiang dinhmun atanga Mizoram tana hmalakna turte sawihovin heng thil hrang hrang tlakchhamna leh natna benvawn ven nana hmalak dan turte ngun leh uluk takin an sawi ho a ni. He survey hi India ram state 30-ah a vawi khatn nana neih zawh tawh niin he thil hi ei leh in leh chaw tha tlakchhamna chungchanga study neih that ber pawl a ni.
