OFFICE OF THE PRINCIPAL DIRECTOR

HEALTH & FAMILY WELFARE DEPARTMENT

............................

MASS EDUCATION AND MEDIA SECTION

PRESS HANDOUT

DATED AIZAWL 

The 30^th January, 2020

Vawiin 30^th January 2020 hian tunlai hrileng Coronavirus disease chungchangah Dr. R Lalthangliana Minister, H&FW Department kaihhruaina in a office ah neih a ni a, he meeting-ah hian Health Department hotute leh Home Department bakah GAD leh Aviation Wing atangte in sawrkar hotute an tel a ni. 

Minister-in a sawm angin Dr. F Lallianhlira Principal Director H&FW chuan he meeting pawimawhnate leh Corona virus natna laka Mizoram kan lo inven dan tur a sawi a. Dr. Pachuau Lalmalsawma, Epidemiologist  & State Nodal Officer, Integrated Disease Surveillance Programme chuan he natna chungchanga thu thar leh Central Ministry-in hmalakna tur a duan chungchangte sawi zauhna hun a hmang leh bawk a ni.

He meeting-ah hian Lengpui Airport-a zin veivakte lo endika, a tul anga screening neih dan turah ruahmanna a siam a. Lengpui Airport chu Action point pawimawh tak a nih dawn avangin hriselna lama thawktu ten uluk taka zin mite lo check ni se tih a ni. Tin, Lengpui Airport lam thuneitute pawhin a tul anga hma an lo lak tur thu an sawi nghal bawk. Hei bakah hian ram dang atanga Mizoram lo luh theihna khan hrang hrangahte pawh he endikna hi uluk taka kalpui tan nghal vat ni se tih a ni a, Home Ministry lamin hemi chungchang hi an lo bawhzui nghal bawk dawn a ni. 

He natna vei nia rinhlelh dah hranna tur pawh Mizoram sawrkar chuan Falkawn Referral Hospital-ah a ruahman fel nghal a. Thawktu lamte pawh thil tul a awm a niha a rang thei ang bera che chhuak nghal zung zung thei turin inralrin tir an ni bawk. Tin, Coronavirus vei nia rinhlelhte thisen sample phai lama thawn dan tur pawh rel nghal niin sum leh pai senso tul turte pawh sawrkarin a ngaihtuah nghal bawk a ni.

He meeting-ah hian cocornavirus natna chungchang bika a tul anga hma latu tur Task Force Team din nghal ni se tih a ni bawk a. He natna avanga sum leh pai senso tul awm thei zawng zawng hi sawrkar chuan a ngaihtuah tur thu a sawi.

Coronavirus hrileng chungchangah hian social mediaah thu leng vak belhchian dawllo a awm nual ni a an hriat avangin H&FW Department chuan mipuite chiai phah nana hmang lo tuirn a chah. Tul bik thilah chuan heng No-ah te hian whatsapp hmangin zawh theih an ni ang.

1)       9436195535

2)       9612326762