Vawiin 23rd March, 2023 (11:30AM) khan DHME Conference Hall, MINECO-ah State Blood Cell, National Health Mission bultumin Mizoram sawrkar damdawiin hrang hrang Blood Bank hnathawktu Laboratory Technician leh DEO te tan E-Raktkosh Information, Hemovigilance & Management Information System buatsaih a ni a. Dr.Eric Zomawia, Mission Director, NHM in a hmanpui.

Training kalkhawmte hnenah Dr.Eric Zomawia chuan fuihna thu tha tak sawiin mahni hnaa inpekna leh tuina neih a pawimawhzia sawiin Blood Bank a thawktute pawimawhna hi a sang em em a. Mihring nunna atana pawimawh em em thisen buaipuia enkawltute in nihna-ah chanvo leh mawhphurhna sang tak in neih hi dik taka hlen chhuak turin ka ngen che u a ni a ti.

Dr.ST Lalhriatpuii, Blood Bank Officer, State Referral Hospital Falkawn in he hunah hian E-RaktKosh & Hemovigilance chungchangah zirtirna a pe a. Lalthasangi Pharmacist, Model Treatment Centre-in Management Information System chungchangah zirtirna a pek bakah Hand-on Training neih chhunzawm a ni a. Dr.Doris Lalnunmawii Sailo, State Nodal Officer, State Blood Cell kaihhruaina hnuaiah Discussion period neih a ni bawk.

E-Raktkosh Hemovigilance & Management Information hi April ni 7, 2016 atang khan India ramah kalpui tan a ni a. He National Blood Policy hian Damdawiina thisen lak leh donate reng reng, a thianghlim leh thianghlim loh, a dah that leh sem chhuah dan bakah record felfai zawk neih theih nana uluk leh fimkhur taka kalpui te huamin internet kaltlanga data leh document kimchang record bakah thil tul pawimawh dang tam tak a huam a ni.