GOVERNMENT OF MIZORAM
HEALTH & FAMILY WELFARE DEPARTMENT
(PRESS HANDOUT)
DENGUE DONA ZIR CHIANG TURIN DOCTOR KOH KHAWM AN NI.
State Vector Borne Diseases Control Programme (SVBDCP) chuan vawiin February ni 22, 2017 (nilaini) zing dar 10:00 khan Administrative Training Institute (ATI) Auditorium, New Secretariat Complex-ah Medical Officer te tan Training on Dengue Under NVBDCP buatsaih a, he hun ah hian Dr.F.Lallianhlira, Director of Health Services chu khuallian a ni.
He Training hi Dr. HT Phosa, Deputy Director, (Malaria) in chairman niin a kaihruai a. Introduction te neih zawh a nih hnuah Chairman Dr. HT Phosa chuan kalkhawm te lawmna thu a sawi a. Hemi hnu hian Khuallian Dr. F.Lallianhlira hnen atangin thusawi ngaihthlak a ni a. Dr. F.Lallianhlira chuan Medical Officer kalkhawm te chu fuihin mahni bial vawn kawngah taima lehzuala thawk tur te, state dangte entawn tlak ni tura tan la lehzual turin a chah a. Furpui kan hma chhawn chhoh leh hnaih tak avangin hemi hun chhunga natna hluar thin hrang hrang laka lo inven lawk te leh mahni bial chhung mipuite hnena zirtirna (Awareness) lo pek lawk hian nasa takin kori a tu a ni a ti a. Medical Officer te chu mahni hnaa lungawi na chang hre turin a fuih bawk a ni.
Hemi hnu hian Dr. Zorammuana, M&E Consultant, SVBDCP hnen atangin Introduction to Dengue and its situation in Mizoram tih thupui hmangin presentation ngaihthlak a ni a, Dr. PC Lalramenga, Physician, SSH, CH(A) Dr. T.Lalhmingmawii, Microbiologist, SSH CH(A) bakah Lalfakzuala Pautu State Entomologist te hnen atangin Dengue natna chungchang,a inenkawl dan leh tih rem dan kawngte ngaihthlak a ni bawk.
Fur ruah tui tlak hun a lo hnaih tak avangin State Vector Borne Diseases Control Programme te chuan Dengue leh Malaria lakah kan him theih nan theihtawpin tan an la mek a, Nikum 2016 khan Dengue case hi Mizoram-ah a pun avangin kumin chhovah pawh hian nasa takin case a san chhoh lohna turin theih tawp chhuah mek a ni bawk.
