OFFICE OF THE PRINCIPAL DIRECTOR

GOVERNMENT OF MIZORAM HEALTH & FAMILY WELFARE DEPARTMENT

PRESS HANDOUT

Dated Aizawl the 17th June, 2019

 DOCTOR LAK THAR MI 31 TE TAN INDUCTION TRAINING BUATSAIH A NI


Vawiin 17th, June 2019 chawhma dar 10:30 khan Directorate of Health Services Conference Hall-ah tun hnaia doctor lak thar mi 31-te tan Induction Training buatsaih a ni. Vawiina Induction Training hi Dr.Lalchungnunga, Director, DHS in kaihruaiin kalkhawmte lawmna thu a sawi a. Hemi hnu hian Dr.F.Lallianhlira, Principal Director, H&FW chuan training hawnna thu sawi lehin doctor lak tharte lawmpuina leh fuihna thu a sawi a. Dr.F.Lallianhlira, Principal Director chuan doctor kalkhawmte chu an awmna hmun theuhvah nelawm leh zahawm taka awm a, khawtlang hruaitute leh mipuite nena relation tha tak an neih theihna tura hma la nghal turin a chah a. Tin, mahni bial chhung visit ngai pawimawh tur leh Sub Centre thawktute nen inpawhna tha zawk siam turin a chah bawk a ni. Ani bakah hian Dr.Eric Zomawia, Mission Director, NHM leh Dr.T.Lalhmangaihi, Director, DHME te pawhin thu tha tak tak an sawi bawk. Vawiina doctor kalkhawmte hi Dr. Zorinsangi, SNO Training, Pu VL Thlanawma JD(A), Pu PC Engzamliana Suptd. ten thupui pawimawh tak tak, Office Procedure, Job Responsibilities, Finance leh Office Matters chungchangah training an pe a. He training hian June ni 20 thleng a awh dawn a ni.