GOVERNMENT OF MIZORAM
HEALTH & FAMILY WELFARE DEPARTMENT
FAINA KAWNGA INZIRTIRNA FORTNIGHT HAWN A NI
Dated Aizawl, The 14th February 2017
National Health Mission bultumin vawiin February ni 14, 2017 khan Damdawiin faina kawnga Hapta buatsaih, Swachhata Fortnight chu Dr. K.Ropari, Principal Director, H&WF-in a hawng.
Hapta hnih awh tur Swachhata Forthnight hawnna inkhawm hi _ Auditorium-ah neih niin Dr. K.Lalbiakzuala, Mission Director, NHM, Mizoram-in Chairman niin hun a kaihruai a. Chairman hian kalkhawmte lawmna leh fuihna thu a sawi zawh hnu-ah Khuallian Dr.K.Ropari, Principal Director chuan Ribbon chep chatin he Swachhata Fortnight hi a hawng zui nghal a ni.
Khuallian Dr.K. Ropari chuan hawnna thu sawiin Swachhata Drive in a thil tum te a sawi fiah a. Hospital faina kawngah hian mipuiten mawhphurhna nasa tak kan nei a ni a ti a. Ram changkang ni tur chuan kan hrisel hmasak a ngai a, hrisel tur chuan Faina kan ngaih pawimawh a ngai leh zel a, chung thilte chu then hran theih loh, thil inkawp tlat a ni a ti bawk.
He mi hnu hian Dr. Lucy Chawisangzeli, State Consultant, Quality Assurance (NHM) chuan Swachhata hnuaia Drive hrang hrang hrang Awareness Drive, Cleanliness Drive leh Sustenance Drive awmzia te a sawi fiah a. Tin, Dr. Evelyn Lalremsangi State Consultant, (PH) NHM hnen atangin Kayakalp avanga Mizoram Damdawiin hrang hrang ten faina kawnga hma kan sawn takzia Powerpoint presentation hmangin thlir leh ngaihthlak ho a ni bawk.
Swachhata Drive fortnight hun atan hian Ministry of Health chuan 1st - 15th February an ruat a. Amaherawhchu kuminah hian a hman hun leh hman dan tur chungchangah thuchhuah an rawn neih tlai avangin vawiin February ni 14 atanga February ni 28 thleng hman tur a ni dawn a. Tin, district hrang hrangah pawh hawnna hun neih vek tur a ni a, hemi atana ruahmanna hi kalpui mek a ni. Swachhata Fortnight chhung hian mipuite hnenah Damdawiin faina kawnga mawhphurhna te a tam thei ang ber zirtir a ni dawn a ni.
Vawiin Swachhata Forthnight hawnna ah hian Tv.Lalthlanawma'n zaiin kalkhawmte a awi a, Health Worker School Kulikawn zirlai ten thiam takin Hand washing Dance an entir a, kalkhawmte lawm a hlawh hle. He hunah hian CMO West. CMO East leh Health Department Programme Officer te an kal tha hle a. Tin, Apollo School of Nursing, Health Worker Training School, Kulikawn leh Kids Care School ten hun an hmanpui bawk.
Hun tawp hi Dr. H.Lalchungnunga, Jt. Director, Family Welfare, DHS in a khar a ni.
