FDA ONLINE SYSTEM PAHNIH HEALTH MINISTER IN TLANGZARH

12TH JUNE 2026

Mizoram Sorkar, Health & Family Welfare Department hnuaia Drug License, Cosmetic License leh Medical Device registration chi hrang hrang pek chhuahna tur National Digital Platform - Online National Drug Licensing System (ONDLS) leh damdawi zuar ten Mizorama damdawi khuahkhirh ngai zual (ruih nana hman sual theih) lak luh an report thinna tur FDA Integrated Reporting & Monitoring System (FIRMS) chu Vawiin June ni 12, 2026 chawhma dar 11:00 khan Pi H.Larinpuii, Hon'ble Health Minister chuan Mizorama hman tan theih turin a Office Chamber-ah a tlangzarh. 

ONDLS hi Government of India. Ministry of Health & Family Welfare-in Digital India Vision tihhlawhtlinna tura a kalpui mek a ni a. Central Drugs Standard Control Organization (CDSCO) leh Centre for Development of Advanced Computing (CDAC) te tangkawpin Central leh State/Union Territory Drug Control Authority zawng zawngte hman tura a buatsaih a ni.

FIRMS Reporting System-ah thung hian thil pahnih a awm a, pakhat chu FDA Officer-ten Monthly Report an pena tur a ni a, pakhat dang leh chu đamdawi ruih theih khuahkhirh ngai zual lak luh leh hralhte vil zuina tur a ni. Damdawi zingah hian ruih nana hman sual theih tam tak a awm a, chung damdawite chu doctor chawh chauhva hralh tur (Prescription drugs) an nih laiin, doctor chawh lohva hralh chhuah a tam em em reng a. Mizorama lak luh khap ngawt a rem si loh avangin, hman sual nasa lutuk ven nan leh vilzui nana tih a ni.

MASS EDUCATION & MEDIA (MEM SECTION)

DIRECTORATE OF HEALTH SERVICES

MINECO, AIZAWL