OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 31st August, 2018
HEALTH & FAMILY WELFARE FOOD & DRUGS ADMINISTRATION & AIZAWL MUNICIPAL COUNCIL TANGKAWP BUATSAIHIN INKAWMHONA NEIH A NI
Vawiin Dt. 31.08.2018 (Zirtawpni) chhun dar 12:00 khan Health & Family Welfare Department hnuaia Food & Drugs Administration leh Aizawl Municipal Council tangkawp buatsaihin AMC Conference Hall-ah Aizawl Khawpui chhunga Local Council leh Food & Drugs Administration, Health & Family Welfare Department te chuan inkawmhona hun an hmang.
He inkawmhona hun hi Dr.H.Lalthlangliana, Commissioner, AMC in a kaihruai a. Pu Lalsawma, Jt.Director (F&D) H&FW Deptt. chuan kalkhawmte lawmna thu sawiin AMC hotute tan lak puinaah leh Aizawl huam chhunga Local Council te chungah lawmthu a sawi a.
AMC lam atanga thusawitu Dr. Lalthanthuami chuan L/C AMC huamchhunga hmalakna kal lai tarlangin leilung ti chhetu Plastic leh Polethene khapna dan kenkawh a nih tur thu te, hemi atana No Plastic exhibition neih a nih tur thu leh veng, Office leh Sikul fai thlanna kalpui a nih tur thute a tarlang bawk.
Hemi hnu hian Pu F.Lalliantluanga, Dy. Director (F&D) hnen atangin khuahkhirhna dan khauh tak hnuaia damdawi zawrh leh hralh chhuah a nih dan te, damdawi tha lo leh dik lo zawrh a pawizia leh hemi kawnga tanrual a pawimawh zia powerpoint presentation hmangin a entir a.
Pi Lalrinkimi Pachuau, Food Safety Officer hnen atangin eitur him leh hrisel kan neih theihna tura a zuar chhuaktu leh a siamtu te bakah mipuitena kan tih tur hrang hrang powerpoint presentation hmangin ngaihthlak leh thlirho a ni bawk.
Vawiina inkawmhona hunah hian mipuite hnena ei leh in him leh hrisel chhawp chhuah a nih theihna tura hmalak ho dan turte sawiho a ni a. tin, damdawi hmansual laka thalaite venghim tura tan ho dan tur bakah damdawi dik lo leh hmansual theih chi hote diklo taka zawrh leh hralh te dona kawnga thawhho dan turte sawiin ruahmanna siam ho a ni. Vawiin inkawmhona hunah hian Aizawl huamchhunga Local Council member 200 chuang lai an kalkhawm a ni.
