OFFICE OF THE PRINCIPAL DIRECTOR HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 16th February, 2022
HEALTH MINISTER DR.R.LALTHANGLIANA
HOVIN HEALTH DEPARTMENT HOTUTEN REVIEW MEETING NEI
“COVID-19 kaihhnawih mai ni lovin Health Department hmalakna hrang hrangah thawktute an fakawmin theih tawp an chhuah. ”
Dr.R.Lalthangliana, Health Minister
Vawiin February ni 16 (Chawhnu dar 2) khan Secretariat Conference Hall, MINECO-ah Health Minister Dr.R.Lalthangliana hovin Health Department Review Meeting neih a ni.
Health Minister kaihhruai review meeting ah hian Health & Family Welfare Department huam chhung DHS, DHME, ZMC, IDSP, NHM, MSCI atangin Programme Officer leh mi pawimawh dangte an kal khawm a. Kum 2021-2022 inkar chhunga Health department chhung peng hrang hrang achievement report te ngaihthlak a ni. Tul leh mamawh bakah hmachhawp hrang hrangte Minister ho hian rel ho niin Health Minister chuan ngun takin heng a hnena department hotu ten mamawh an thlen te hi a ngaihthlaksak a. Theih tawp chhuaha hmalakho dan tur a sawipui nghal bawk.
COVID-19 dona kawnga hmalakna chungchangah pawh Health Minister chuan Health Department thawktute hmalakna fakawm a tih thu a sawi a. "COVID-19 hian rei tak min cham chilh ta a, harsatna nasa tak min siam chungin thawktute phur leh taima taka ke in la pen thei zel hi in fakawm ka tiin ram tana in inpekna hi ropui ka ti a. Phurna thar nen kuminah pawh hma lam pan zel turin duhsakna ka hlan che u a ni" tiin thawktute a fuih bawk.
Health Minister hian action plan hrang hrang bawhzuina kawnga a tih theih awm ang chite sawiho pui nghalin a hnena department-in tul leh mamawh an thlente ti hlawhtling tura theih tawp a chhuah zel tur thu a sawi.
