DIRECTORATE OF HEALTH SERVICES
MASS EDUCATION & MEDIA SECTION

(PRESS HANDOUT)


Health Minister Pu _'n hmarchhak state Health Minister intawh khawmna hunah Mizoram mamawh a thlen.

Guwahati-a cham mek Health Minister Pu _ chuan vawiin May ni 30, 2017 khan India hmarchhak state a Health Minister te intawh khawmna hun, 1st Conclave of Health Ministers of North Eastern States-ah thusawina hun a hmang.

He conclave hi Department of Health & Family Welfare, Govt. of Assam North Eastern Council, Assam leh Ministry of DoNER, Govt. of India buatsaih a ni a. He hunah hian India hmarchhak state-a Health Minister hrang hrang ten anmahni state chhunga hriselna kawnga tul leh mamawhte thlenin sawiho a ni.

He hunah hian Health Minister Pu _ chuan thusawiin Union Minister DoNER Pu Jitendra Singh chungah lawmthu a sawi a. Hriselna kawnga Mizoram mamawh hrang hrang tih hlawhtlinna kawnga theihtawp chhuahsak thintu Shri Ram Muivah, Secretary, North Eastern Council hnenah pawh lawmthu a sawi bawk.

Pu _ chuan Project dang, MRI, Civil Hospital, Zemabawk Cancer Hospital Blood Bank tur te leh Synod Hospital Durtlanga Nursing School Main building sakna tur te chu a rang lama sanction a nih theih nan thuneitute hnenah a thlen nghal bawk a ni.

Hengte bakah hian Health Minister hian Agenda pawimawh tak tak pathum he meeting-ah hian a thlen a. Mizoram chu Cancer vei tamna kan nih avangin khum 100 awm theihna Tertiary Cancer Care Centre pawh siam mek a nih thu leh he project in a huam tel ve loh Blood Bank chu matheilova siam tel a ngaih thu te a thlen a. District Hospital pathum Mamit, Kolasib leh Lawngtlai te chu Khum 100 awm theihna tura tih len a nih theih dan tur te a thlen bawk. Tin, 11th Five Year Plan hun chhunga Ministry of Health & Family Welfare Govt. of India sum hmanga sak GNM school 4 leh ANM school 3 te chu peih fel tep tawh ni mah se, thil man sang chho zelah approve cost hian project pumpui a daih tak loh avangin heng ANM school leh GNM school te tih puitlinna leh a function theihna atan Rs. 12.75 Crore chu North Eastern Council hnenah a dil belh nghal bawk a ni.

Health Minister Pu _ hi Dr. T.Lalhmangaihi, Director,Hospital & Medical Education in a tawiawm a. Naktuk May ni 31 hian Mizoram an lo kir leh dawn a ni.