OFFICE OF THE DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL, The 8th September, 2020
HEALTH SECRETARY PU H.LALENGMAWIAN ITI VENGA COVID CARE CENTRE A TLAWH
Vawiin 8th September, 2020 (Thawhlehni) zing dar 8:00 khan Health Secretary Pu H.Lalengmawia, IAS chuan ITI venga COVID Care Centre a hmunah kalin a tlawh.
Health Secretary hian ITI veng Local Level Task Force te nen hian UPHC ITI-ah inkawmna hun an hmang a. Tun hnaia he centre-a awm ten chaw an nghei ni awma thuthang awm chungchangte pawh sawiho a ni. Sawihona atanga a lan danin he centre a awmte chaw supply-tu hi rinhlelh thil avangin sample lak tura tih an ni a, hemi chhung hian chaw supply-tu hi an khaihlak deuh avanga chaw nghei anga sawi mai an ni tih hi a hmunah hian finfiah a ni a. Secretary chuan he thil hi pawi a tih thu leh tun hnu-ah thleng tawh lo se a duh thu a sawi.
Heng bakah hian he centre enkawl nana thil tulte sawipuiin Local Level Task Force te harsatna leh mamawh te tha taka ngaihthlaksakin tih hlawhtlinsak nghal a nih tur thu a sawi a. Health Secretary chuan ITI Local Level task Force te leh khawtlang mipuite chu COVID-19 dona kawnga an inpeknaah lawmthu a hrilh a. Veng mipuite chu thlamuang taka awm tura chahin sawrkarin ITI COVID Care Centre-ah hian Administration leh Management pawh felfai lehzuala kalpui a tum thu a sawi.
Secretary chuan, CCC-a thawktute chu ITI veng LLTF te hnenah damlo lut chhuak zat bakah tul leh mamawh an neihte thlenga information kimchang pe thlap thlap thin turin a hrilh a. Khawtlang neitu an nihna angin thuneihna pawh danin a phalsak chinah khauh zawka kalpui hreh lo turin LLTF te chu a chah bawk a ni.
Health Secretary hi Dr.H.Lalchungnunga DirectorHhealth Services, Dr.C.Lalzepuii Joint Director, C.Lalkima Sr.EE, Dr. CT Chhunga CMO West leh officer pawimawh dang ten an tawiawm a ni.
