OFFICE OF THE DIRECTOR

HEALTH SERVICES : MINECO AIZAWL

 

MASS EDUCATION MEDIA SECTION

(DATED AIZAWL THE 28.11.2025)

 

PRESS HANDOUT

No. 01 of 11/2025

 

HEALTH WORKER CAPPING & LAMP LIGHTING HUN HMAN A NI.

 

  

Vawiin ni 28.11.2025 chawhhma dar 11 khan Health Workers Training School Conference Hall-ah Batch 41-na zirlai thar lak luhna inkhawm Capping & Lamp Lighting hun hman a ni a, he hun hi Aizawl South-II bialtu MLA Pu Lalchhuanthangan a hmanpui.

 

Pu Lallungmuana, LDC PMO Staff in bible chhiara tawngtaina hun a hman zawh hnuah Pi Zothankimi, PNO hnen atangin School Report ngaihthlak a ni a. Hemi hnu hian zirlai tharte lakluhna hun hmangtu Pi H.Vanlalhluni Nursing Superintendent, Civil Hospital chuan capping & lamp lighting pawimawhna leh hlutna a sawifiah hnuah lukhum khumtirna leh bati chhitna a neih zuipui nghal a ni

 

Capping and Lamp Lighting hun hman zawh a nih hnu-ah hian zirlai ti thate chawimawina hun hman a ni a, an hnenah Pu Lalchhuanthanga MLA in chawimawina a hlan a ni.

 

Pu Lalchhuanthanga MLA chuan thusawina hun a hmang a. Health Worker te pawimawhna leh midangte tana malsawmna an nihzia uar takin a tarlang a, Pu Lalchhuanthang chuan, “ Health Worker zirlai tharte duhthlanna dik in nei a, midangte tana malsawmna leh rawngbawl hna thawk thei tura duh in thlang hi a lawmawm hle mai. In zirna kawng a bumbohin a harsa pawh a ni mai thei, dawhtheihna, taimakna nen invawng fel taka in zir hram hram a pawimawh hle a ni. In zirna leh kal zelna turah duhsakna ka hlan tak meuh che u a, Mizoram Health Care Workers-ah hian a grassroot in ni tak meuh meuh tih hi in hriat a pawimawh hle mai” tiin zirlai tharte chu a fuih a. Nakin zelah damlote leh mamawhtute tana innghahna tlak ni tura inchher hriam tura a duhsak thu a tarlang bawk.

 

Zirlai lut tharte hi mipa 25 leh hmeichhia 24, an vaiin mi 49 an ni. Kulikawn Health Worker Training School atang hian zirlai mipa 915, hmeichhia 754 an vaiin mi 1669 zir chhuak an awm tawh a ni.

 

Pu Lalramliana Sailo, Projectionist in lawmthu sawinaa hun hnung kharin Rev. Lalrinmawia, Kulikawn West chuan zirlai lak luh tharte puala tawngtaina hun hmangin malsawm tawngtaiin kalkhawmte hi a tin a ni.