OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 2nd April, 2019
HRISELNA LAMA THAWKTU TE TANA BUATSAIH FAI TURA CHET CHHUAHNA SWACHHATA PAKHWADA (1st April- 15th April 2019) CHU INDIA RAM HMUN DANG RUALIN MIZORAMAH HMAN A NI
NImin Dt.1st April 2019 (thawhtanni) chawhnu dar 3:00 khanState Quality Assurance Unit (NHM) bultum Swachhata Pakhwada (Fai tura chet chhuahna Campaign) hapta chu Health Directorate Conference Hall, Dinthar-ah Dr.F.Lallianhlira, Principal Director, H&FW in a hawng.
He Swachhata Pakhwada (Cleanliness Drive Fortnight) hawnna inkhawm hi Dr Eric Zomawia, Mission Director, NHM in a kaihruai a. Dr.H.Lalchungnunga, Director of Health Services in kalkhawmte chu faina kawnga hmala tur leh midangte hrilh chhawn kawnga tan la turin a fuih a. Dr.Biakthansangi, CEO Mizoram State Health Care in PMJAY kalphung sawiin hun a hmang bawk. Thusawitu dang Dr.R.Lalchhuanawma, State Nodal Officer, Quality Assurance chuan Swachhata Pakhwada chungchang sawi zauhna hun a hmang leh a. India ram pumah he hun hi hman vek a nih thu te, sawrkar damdawiin zawng zawng ten uar takin he hun denchhen hian faina hnatlang an huaihawt thin dawn a ni a ti bawk.
Hawnna thu sawitu Dr. F.Lallianhlira, Principal Director, H&FW chuan hian fai tur chuan mimal tin ten mawhphurhna kan nei a ni tih sawiin, pawn lam faina chauh hi a tawk lo fo va, nundan hrisel (healthy lifestyle) kan neih a pawimawh hle. Zuk leh hmuam leh ruihhlo akah te nasa lehzuala insum a, hemi kawngah tan kan lak deuh deuh a hun tawh a ni tiin, kan damdawiinte a lo fai zawk theih nan mitinin tan kan lak tlan a ngai a ni a ti. He hun hmang tura kalkhawm ten faina thuthiam chhiar chhuakin hun an hmang bawk a ni.
India ramhmun dang rualin 1st April - 15th April, 2019 inkar chhung hian Mizoram chhunga damdawiin hrang hrangah Swachhata Pakhwada hi hman a ni dawn a, hemi hun chhung hian sawrkar damdawiin, health department office, school leh anganwadi-ah te fai pawimawh zia a thara inzirtirna an nei ang a. Sawrkar damdawiin leh Health Deptt. office-ah te hemi hun chhung hian faina hnatlang nei tura ruahman a ni bakah, PHC zawng zawng ten Kayakalp Internal Assessment an nei leh vek bawk ang. Tin, Biomedical waste management, handwashing technique leh hriselna atana thil pawimawh chi nga '5-S' te bakah PMJAY chungchangte nasa leh zuala inzirtir a ni bawk ang.
