Ni 2.7.2025 (Nilaini) dar 11 ah Mizoram Sawrkar, Mizoram Synod leh NGO ten ruihhlo avanga harsatna tawkte tana enkawlna buatsaih Hulhliap - Short Stay Centre, Synod Revival Camping Centre, Sihphir Neihbawi a neih mekah NHM hnuaia programme - NP-NCD, NTCP, NMHP leh ARDSI Mizoram Chapter te chuan Awareness Programme hun an hmang a. He hun hi Dr. Robert L. Khawlhring, SNO, NMHP in a kaihruai a. Dr. Catherine Lalmuanawmi, SNO, NP-NCD in Natna inkaichhawn theih loh (Non-Communicable Disease) chungchang zirtirna neiin, taksa hrisel kan neih theihna tura kan tih tur leh tih loh tur hrang hrang te, NCD avanga natna awm theih hrang hrang leh a enkawl dan kawng pawimawh tak tak a sawi a ni. 

Dr. C Lalremruati, Consultant NTCP in zuk leh hmuam in mihring nuna harsatna leh natna a thlen theih te sawiin, a enkawl dan leh enkawlna hmun hrang hrang awmte campers te hnenah a hrilh bawk a ni. 

Pu Vanneihtluanga, President ARDSI Mizoram Chapter in ruihhlo khawih pawizia leh nun a tihchhiat dan thahnem ngai takin a sawi a. Nun hlutna leh beiseina neih hram hram a tul leh pawimawhzia a sawi a ni.

Lalchhanhima Sailo, Clinical Psychologist NMHP in Substance Use Disorder chunngchang a sawi a. Ruihhlo avanga harsatna enkawl dante. Nun tha zawk lnei leh hmang tura tihtur pawimawh tak tak a sawi a ni.

Pi Ruth Vanlalsawmi, Centre Director in lawmthu sawiin hun a khar a ni.