OFFICE OF THE DIRECTOR

DIRECTORATE OF HEALTH SERVICES

 

(MASS EDUCATION & MEDIA  SECTION)

(PRESS HAND OUT)

 

DATED AIZAWL THE 7^th  August, 2023

 

INAUGURAL FUNCTION FOR IMI 5.0

 

Press Handout

Vawiin ni 7 August 2023 atang hian hridanna beihpui- Intensified Mission Indradhanush 5.0 chu Health Department ruahmanna in Mizoram pumah tan a ni. He hun hi Aizawl ah chuan Directorate of Health Services Conference Hall, Dinthar-ah hman a ni.
He hun hman puitu Dr Eric Zomawia, Mission Director, NHM chuan hridanna lak that pawimawh zia sawiin, hridanna hian nunna tam tak a lo chhan tawh thin. Hridanna (Vaccine) hi a thar siam chhuah belh zel a ni a, Sawrkar pawhin kum tin vaccine thar a pe chhuak thin. Vaccine hi a hrechiang lo mi thenkhatin an hlau a, an la duh lo fo thin. Amaherawh chu Vaccine vang hian khawvelah Zawnghri (Smallpox) te pawh umbo lo ni tawh in, India ram chu Zenghri leh Nu leh Nausen sakawrekhrik (Tetanus) awmlohna ah puan a lo ni tawh bawk. India sawrkar chuan Measles (Sentut) leh Rubella natna chu December 2023-ah umbo turin ruahmanna a siam leh a ni. Covid-19 hripui pawh a do na hmanrua tha ber pakhat chu Vaccine tho hi a ni. Vaccine reng reng hi zirchhianna mulmal tak nei a, chumi hnuah mipui a pek chhuak chauh thin a ni a, chuvangin a him tawk em em a ni. India ram chuan tunhnaiah hridanna thar – Human Papilloma Virus Vaccine (chhul hmawr cancer venna)pe chhuak turin a in buatsaih leh mek a, State hrang hrang zingah Mizoram chu a pe hmasa tur state 7 thlan zingah a tel a ni. Dr Eric Zomawia chuan mipui zawng zawngte kan fate, kan tute hridanna lak tir theuh turin a ngen.
Intensified Mission Indradhanush 5.0 hi District hrang hrangah launch a ni bawk. He hridanna beihpui thlak hi 1st round= 7th – 12th August, 2nd round= 11th – 16th September leh 9th – 14th October 2023 chhunga neih tur a ruahman a ni.