OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 12th May, 2022
INTERNATINAL NURSES DAY HMAN A NI
Vawiin 12th May, 2022 (Ningani) hi khawvel puma Nurse te puala ni bik, International Nurses day a ni a. Hemi denchhen hian Civil Hospital Aizawl-ah hun hman a ni a, Pi Lalremmawii Joint Director (Nursing) in Khuallian niin a hmanpui.
Vawiina Civil Hospital Aizawl-a International Nurses Day pual inkhawm hi Pi Lalrinthangi Pachuau Nursing Superintendent, Civil Hospital Aizawl in kaihruaiin Rev.K.Lalfakzuala, Chaplain, C.H.A. in Pathian hnenah inhlanna hun a hmang a. Tin, COVID avanga nunna chan Nurse te sun nan ngawi rengin minute khat din a ni.
Hemi hnu hian Pi Vanlalnghaki Hauhnar Senior Nurse, C.H.A chuan Nurses Day thupui A voice to lead invest in Nursing and respect rights to secure Global Health tih thupui hmangin thuchah a sawi bawk.
He huna thusawitu Pi Lalremmawii, Joint Director Nursing chuan Nurse te hi khawvel mipuite damna leh hriselna kawnga mawhphurtu lian ber pakhat an nih avangin Nurse hna hi hna zahawm leh ropui a ni a. Chuvangin he zahawmna keng a, vawng nung zel turin Mizorama nurse hna thawktute zawng zawng a tharin ka sawm nawn leh che u a ni a ti.
International Nurses Day pual hian Hmun hrang hranga Nurse ten midangte tana luanchhuahna hun an hmang hlawm a. Civil Hospital Aizawl a thawktu Nurse ten Together in Christ Home te hnenah cheng sing hnih hlanin, Falkawn Nurse ten ZMC in a tula an hman atan thisen Unit 17 an pek bakah, Durtlang Presby. Nurse ten School hrang hrangah Hriselna kawnga inzirtirna Health talk an buatsaih bawk.
