OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 22th October, 2018
IODINE TLAKCHHAM VANGA HARSATNA DONA NI
GLOBAL IDD DAY HMAN A NI
October ni 21, 2018 khawvel pumpuia Iodine tlakchham vanga harsatna dona ni "Global IDD Day" a ni a. He ni hi Sunday-a a tlak avangin vawiin October ni 22, 2018 hian Global IDD Day hi Mizoram district tinah hman a ni.
Vawiina Aizawla he ni pual hun hi National Iodine Deficiency Disorder Control Programme huaihawtin Synod Conference Hall, Sikulpuikawn-ah hman a ni a. He hun hi Dr.F.Lallianhlira, Principal Director, Health & Family welfare Department-in a kaihruai a. Health Worker Training School, Kulikawn te hnen atangin Opening Song ngaihthlak a nih hnu-ah Programme hrang hrang changtu Officer-te hnen atangin thusawi ngaihthlak a ni a. Hemi hnu hian Dr.Chawngthanchhunga, State Programme Officer, NIDDCP in Powerpoint presentation hmangin Iodine tlakchhamna lo awm dan leh a invenna, NIDDCP activity report leh programme vision chungchangah te zirtirna a pe a. Kalkhawm atanga thlanchhuahte te tan quiz buatsaihsakin inelna neih a ni bawk.
Dr.Chawngthanchhunga chuan "Iodine tlakchham avangin mihringah harsatna hrang hrang a thleng thei a. A bikin nu in in nau a pai lai hian nausen taksa leh rilru than that nan a pawimawh zual a, he hun hi naute thluak insiam lai hun a nih avangin Iodine an tlakchham chuan rilru leh taksa-ah rualbanlohna a thlen thin. Chumi pumpelhna chu Iodine chi ei hi a ni" a ti.
A report-in a tarlan danin Iodine programme hi kum 1962 atang khan India ramah kalpui tan a ni a. Mizoramah hian kum 1968 atang khan hman tan ni ve in, kum 1992 atang khan NIDDCP hi changtlung lehzuala kal chhohpui a ni ta a. Mizoramah hian IDD Survey hi neih tawh niin district tinte hi kum nga danah survey neih ziah thin a ni tiin a report-ah chuan a tarlang bawk.
