OFFICE OF THE DIRECTOR,

HEALTH SERVICES : MINECO AIZAWL

MASS EDUCATION & MEDIA SECTION

PRESS HANDOUT

DATED AIZAWL : THE 19^TH MAY 2025

PRESS HANDOUT NO: 6/5/2025

KHUAREL CHHIATNA LEH KANGMEI LAKA INVEN DAN LEH ZIRTIRNA HUN HMANG 

        Lirnghing, leimin, inchim leh kangmei bakah chhiatna dang hrang hrang a lo thlen palh thulha chet lak dan tur leh lo hmachhawn dan tur zir hovin vawiin May ni 19, 2025 chawhma dar 11:00 khan Directorate of Hospital & Medical Education chuan staff te pualin DHME Auditorium MINECO ah Table Top and Mock Drill a buatsaih.

    Dr. S.R. Ngurchamliana, Director, HME-in he hun hi kaihruaiin staff kalkhawmte hnenah chhiatna hi khawihmunah pawh engtik lai pawha thleng thut thei a nih avangin tute pawh kan inralrin reng a ngai a ni a ti.

    He hun hmanpuitu Er.Lalbiakzuala, DM&R chuan Disaster in a huam chin leh a nghawng thil pawi thleng thei te bakah chung thil laka lo inbuatsaih dan tur chi hrang hrang powerpoint presentation hmangin a zirtir a. Kan ram leilung, kan insak dan kalphungin leh hmunhma in a zir loh avanga kan fimkhur leh zual a ngaih thu uar takin a tarlang.

    Pu Lalremmawia, Station Officer, Fire & Emergency Department hnen atangin kangmei chungchang leh a inven dan te, kangmei a lo thlen pawha chiai mai lova kan hmachhawn dan tur chungchang zirtirna a pe bawk.

      Dr. Robert L Khawlhring chuan chhiatna a lo thleng palh a nih pawha awmze nei zawka chet lak a nih theih nan DHME staff hrangte hnenah mawhphurhtu siamin chanvo changtute hnenah an mawhphurhnate tha taka hlen chhuak turin a chah bawk.

        Dr.Zonunmawii Pachuau, Assistant Director(P) chuan lawmthu sawiin hun hnung a khar a, hemi hnu hian Pu Vanlalawmpuia, Firefighter F&ED chuan staff te hnenah Fire Estinguisher awmzia leh a hman dan chungchangah demonstration a entir bawk.