OFFICE OF THE DIRECTOR,

HEALTH SERVICES : MINECO AIZAWL

MASS EDUCATION & MEDIA SECTION

PRESS HANDOUT

DATED AIZAWL : THE 21^TH MAY 2025

PRESS HANDOUT NO: 7/5/2025

Kum upa lam leh rualbanlote tana Assistive Care and Technology chungchangah Mizoramah Key Stakeholder Meeting neih a ni.

 Press Handout

Vawiin May ni 21, 2025 (Nilaini) zing dar 9:00 khan Secretariat Conference Hall-I, MINECO-ah Mizoram chhunga kum upa lam leh rualbanlote tana assistive care service leh technology chungchang ruahmanna leh thuam chak dan tur sawihona ni hnih chhung awh tur stakeholder meeting chu tan a ni.

            Meeting hi Pu H. Lalengmawia, Commissioner & Secretary H&FW in a kaihruai a. Pi Lalzarmawii, Department of Social Welfare-a Commissioner & Secretary, Dr Robert L Khawlhring, SNO-MHP, NHM, Sawrkar te nen an tel a ni. Chairman chuan department hrang hrang inkara thawhhona tha neih a tul thu a sawi a. ADB atanga Ms. Grace, Dr. Chapal leh Dr. Patanjali te chuan he project-in Mizoramin hriselna leh khawtlang tana ruahmanna tha a ngaihpawimawh dan leh khawvel pum huapa hmasawnna thil tumte nen pawh a tum thuhmun a nih dante an tar lang a. Technical session hi GDI Hub leh Convergent atanga mithiamte’n an buatsaih a ni.

He hun hi Asian Development Bank (ADB) puihna hnuaia Assistive Care and Assistive Technology Project te leh Mizoram sawrkar te thawhhona a kalpui niin, Global Disability Innovation (GDI) Hub leh Convergent View Research & Consultancy te technical support-a buatsaih a ni. He Meeting-ah hian District 11-a official-te, Ministry of Health and Family Welfare leh Ministry of Social Welfare and Tribal Affairs atanga, Mizoram University leh Zoram Medical College & Hospital aiawh te an tel a ni.