OFFICE OF THE DIRECTOR
HEALTH SERVICES : MINECO AIZAWL
MASS EDUCATION MEDIA SECTION
Dated Aizawl
The 30th April 2024
PRESS HANDOUT
No. 14/04/2024
Vawin 30th April 2024 (10:30) khan Conference hall DHS old building ah National TB Elimination Programme 1st Quarter 2024 Review Meeting neih a ni a. He hun hi Dr. Febiola Kharkongor State TB Officer in a kaihruai a ni.
Report-a a lan danin kumin 2024 January leh March thla inkar chhungin TB rinhlelh mi 3761 test an ni a. TB vei mi 595 hmuh chhuah an ni. Nikum Jan leh March thla inkar khan TB vei mi 420 hmuh chhuah an ni thung.
Kumin Jan leh March thla chhunga district tina TB hmuhchhuah dan.
1. Aizawl - 433
2. Champhai - 24
3. Kolasib - 46
4. Lawngtlai - 27
5. Lunglei - 34
6. Mamit - 5
7. Siaha - 16
8. Serchhip - 10
Kumin 1st Quarter chhungin MDR-TB vei mi 38 hmuh chhuah an ni a. TB leh HIV vei kawp mi 57 hmuhchhuah an ni bawk. TB vanga thi hi 5% an ni a. TB tihdam zat hi 77% a ni. TB vei hmuhchhuah zingah hian 6% te chu zunthlum nei an ni a. 33% chu vaihlo kaihhnawih ti niin, 16% chu zu in mi an ni bawk.
He hunah hian TB venna chungchang TB Preventive Therapy lak a pawimawh thu sawi a ni a. An khaka hrik hmuh Chuap TB vei chenpuite chu TB an vei leh vei loh en dik vek a, TB an vei loh chuan TB venna hi an lak a ngai thu te, chuap TB khaka hrik hmuh te chuan an chenpuite TB an kaidarh mai a awlsam em avangin an chenpuite hian TB venna an lak a pawimawh thu sawiho a ni. Tin, TB venna hi la duh lo an awm nual thu tarlan a ni a. La tura intih luih theih ni lo mah se hei hian TB kai lo tura a ven avangin chuap TB vei chenpuite chuan an lak ngei a pawimawh thu tarlan a ni.
