OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 24th April, 2019
MEDICAL OFFICER TE TAN ROGI KALYAN SAMITI (RKS)
TRAINING OF TRAINERS NEIH A NI.
Vawiin date 24th April 2019 hian Conference Hall, Civil Hospital, Aizawlah “Handbook for Members of RKS” District Trainer turte tan training pek a ni a. He training hi Dr. F.Lallianhlira, PD, H&FW, Govt of Mizoram chuan a hmanpui. Training hawnna thuchah sawiin Dr. F.Lallianhlira chuan, "RKS Fund hi Vantlang hriselna kawnga thil pawimawh tak, damlo te leh damdawiin tana hamthatna keng tel thil a nih avangin uluk taka kan hman a ngai a, Nakin thlenga chhui let dawl ni thei turin executive committee pawhin meeting minute felfai taka kan vawn thin a ngai a ni" tiin Doctor rual kalkhawmte chu mahni thuthmuna awm mai mai lova regular taka bial fanga hriselna kawnga hmasawnna thlentu ni thei ngei turin a chah nghal bawk.
He training-ah hian sawrkar damdawiin tin
atangin Medical Officer (Doctors) te koh an ni a, anni hian anmahni hospital
theuhvah RKS members te tan training an pe leh dawn a ni.
National Health Mission (NHM) hnuaiah, Rogi Kalyan Samiti (RKS Committee) hi Mizoram sawrkar damdawiin zawng zawng - District Hospital-9, Sub District Hospital-2, CHC-9 leh PHC-57-ah te din vek niin, The Registrar, Firms and Societies-ah dan ang thlapin register vek an ni. Tunahhian Mizoram pumah RKS committee hi 77 an awm mek a ni.
RKS Committee hian a thil tum ber chu mipui ten sum tlem zawk seng a, a tangkai thei ang bera kan sawrkar damdawiin te an hman theihna tura buatsaih a ni. He scheme hnuaiah hian sawrkar damdawiin 77 te hian NHM atangin kum tin tanpuina pek thin a ni a. District Hospital-in Rs.10 lakhs, Sub District Hospital-in Rs 2 lakhs, CHC tan Rs 5 lakhs, PHC tan Rs 1.75 lakhs-in RKS hnuaiah heng tanpuina te hi pek thin a ni.
