OFFICE OF THE DIRECTOR,

HEALTH SERVICES : MINECO AIZAWL

MASS EDUCATION & MEDIA SECTION

PRESS HANDOUT

CHAWIMAWINA SANG FLORENCE NIGHTINGALE AWARD DAWNGTU PI LALENTHANGI HNENAH HEALTH MINISTER IN LAWMPUINA A HLAN.

Vawiin May ni 14, 2026 tlai lam dar 4:00 khan New Secretariat Conference Hall-II ah Health Minister Pi Lalrinpuii chuan India rama Nurse chawimawina sang ber National Florence Nightingale Award dawngtu Pi Lalenthangi, Health Worker, Tuichawng Ayush Health & Wellness Centre hnenah chawimawina thuziak leh tangka fai a hlan.

He lawmpuina inkhawm hi Pi K.Lalrinzuali IAS, Commissioner & Secretary Health & Family Welfare Department in a kaihruai a. Pi Lalchhanhimi, Joint Director Nursing-in Pi Lalenthangin award a dawn na chhan hrang hrang report kimchang takin a pe a. Hemi hnu hian chawimawina hi Minister leh Commissioner ten an hlan a ni.

He huna thusawitu Pi Lalrinpuii chuan, "Mahni hnaa inpe, ram tana chhenfakawm, Florence Nightingale Award hial la thei kan thawktute zingah an awm hi thinlung takin ka chhuang a, ka lawmpui bawk a ni. Hei hian hriselna kawngah state dangte mit hmuhah kan hmel a ti mawi thin a ni" tiin thawktute chu nasa leh zuala an hnaa inpe deuh deuh turin a fuih a ni.

He award lawmna inkhawmah hian Health Department atangin Nursing lam leh hotu lian an kim hle a ni.