OFFICE OF THE DIRECTOR

DIRECTORATE OF HEALTH SERVICES

(MASS EDUCATION & MEDIA  SECTION)

(PRESS HAND OUT)

DATED AIZAWL THE 22^nd  June, 2023

MIZO NU CHHUANAWM PI C.ZOPARI HNENAH FLORENCE NIGHTINGALE AWARD HLAN A NI.

Press Note

Vawiin June ni 22, 2023 chawhma dar 11:00 khan Rastrapati Bhavan, New Delhi-ah India rama Nurse chawimawina sang ber National Florence Nightingale Award chu  Pi C.Zopari, Ward Superintendent (Retired) Dinthar, Aizawl hnenah hlan a ni.

Vawiina he chawimawina inkhawm, Rastrapati Bhavan, New Delhi a neih hi Prime Minister Narendra Modi-in a hmanpui a. India ram state hrang hrang atangin Nurse hnathawk tha leh chawimawi tlak mi eng emaw zahte hnenah chawimawina hi hlan a ni.

Vawiina chawimawina chawngtu Pi C.Zopari hian 1985 ah School of Nursing, Civil Hospital Aizawl atangin GNM a zir zova. 1896 atanga Staff Nurse hna thawk tanin Mizoram hmun hrang hrang heng Buarpui PHC, Chhingchhip PHC, District Hospital Siaha leh Civil Hospital Aizawl-ah te post a ni a. Kum 2016 August-ah Ward Superintendent ah promotion a hmu a, District Hospital Kolasib leh Civil Hospital Aizawl-ah kum 37 chhung rinawm taka a thawh hnu in 31^st March, 2023-ah Superannuation Pension in a chhuak ta a ni. Tunah hian Dinthar Veng, Aizawl-ah a cheng mek a ni.

          Pi C. Zopari hian heng Health Centre hrang hrang a thawh chhung hian mi engemaw zat nunna a chhanhim a, chung zinga langsar zual te chu:

1.      18^th April 1989 khan naute kum khat mi a hrawk a naute hnute hnekna tang avanga thaw hlei thei tawh lo duk vek tawh chu a theihtawp chhuah a enkawlin a hrawka tang chu lakchhuah sakin a nunna a chhanhim sak a ni. Tunah hian he naute hi kum 34 mi niin Mualpui, chhingchhip ah a cheng mek a ni.

2.      2. 20^th February 1993 khan a naute chhar hlam ek ei nasat avanga thaw hlei thei tawh lo leh tap thei tawh lo chu a ka-ah thawktir tuma hamin (CPR) a theihtawpa a beih hnu-ah naute nunna a chhanchhuak a ni. He naute hi tunah kum 30 mi niin hrisel takin a la dam a ni.

3.      3. Ocotber 1996 khan Chhingchhip-a chhungkaw pakhat chaw eikhawm zing a mi Lalbuatsaiha hrawka ar ruh tang chu theihtawp chhuaha enkawlin a nunna a chhanhim sak a ni. Lalbuatsaiha hi nupui neiin tunah hlim takin Chhingchhipah a cheng mek a ni.

4.      14^th April 1994 khan Chhingchhip PHC-ah nu nau vei chau tak leh nikhaw hre lova awm tawh, Aizawl lam pan thei si lo, nu pum chhunga naute leh a lungphu chiang tawh bawk silo chu Pi C. Zopari hian huaisen tak leh thiam takin 17^th April 1994 khan naute chu a chehchhuah sak a (Forceps delivery) nu leh naute nunna a chhan himsak a ni. Tunah hian he naute hi kum 29 mi niin pasal te a nei a, a nu nen hlim takin an la dam ani.

          Heng nunna a chhanhim sak leh a hnathawh that dangte avangin vawiin  22th June, 2023 ah hian India rama nurse chawimawina sang ber National Florence Nightingale Award 2023 hi India President in a hlan ta a ni. Hetiang nurse chhuanawm Mizo nu kan nei hi Health & Family Welfare Department chuan a chhuangin a lawmpui takzet a ni.