OFFICE OF THE PRINCIPAL DIRECTOR,
HEALTH & FAMILY WELFARE DEPARTMENT
(MASS EDUCATION & MEDIA SECTION)
(PRESS HAND OUT)

DATED AIZAWL THE 30th DECEMBER, 2022

MIZORAM-AH STATE TELE-MANAS CELL- NATIONAL TELE MENTAL HEALTH PROGRAMME LAUNCH A NI TA.

Vawiin December ni 30, 2022 (Zirtawpni) 11:00AM khan Mizorama a vawikhatna atan rilru leh a kaihhnawih harsatna chi hrang hrang nei ten an harsatna leh manganna an thlenna tur leh a tul anga hma laksak a nih theihna tur atana din State TeleMANAS Cell, Mizoram chu Dr. T Lalhmangaihi, Principal Director, H&FW chuan State TeleMANAS Cell, DHME building-ah a hawng.

He Tele-MANAS Cell hawnna inkhawm hi Dr. Eric Zomawia, Mission Director, National Health Mission cum Nodal Officer, TeleMANAS in a kaihruai a. Dr.Eric Zomawia chuan kalkhawm leh thawktute hnenah tunlai khawvela rilru hriselna kawnga hmalak a pawimawhzia sawiin rilru hriselna leh a kaihhnawihte sawrkar laipuiin a ngaihpawimawh leh zual tak thu a sawi a, thawktu lak tharte chu a huna thleng a, hotute zahthiam tur leh anmahni mamawhtute hnena an theihna zawng zawng hlan turin a chah bawk.

Tele MANAS Cell Hawngtu Dr.T.Lalhmangaihi, Principal Director pawhin thusawiin rilru lama harsatna hi a te ber atanga a lian ber thlenga kan tawrh theih vek thu te, naupang lamah pawh harsatna a awm thin thu leh hmalak a pawimawhzia sawiin, mipuiten engtik lai pawha 14416/18008914416 hmanga tanpuina an dawn theih na tura hmalakna hi lawmawm a tih thu a sawi a ni.

TeleMANAS Cell hawnnaah hian Health Department lama hotu:
1. Dr. Robert L Khawlhring, SNO, National Mental Health Programme cum SPO, TeleMANAS ,
2. Dr. Ruth Lalmuanpuii, Psychiatrist, SNO, NVHCP,
3. Dr. Doris Lalnunmawii Sailo, SNO, PCPNDT leh
4. Dr. Catherine Lalmuanawmi, SNO, NPCDCS ten he hun hi an hmanpui a.

Dr. Lalmalsawmi Sailo, Jt. Director (P) DHME chuan fuihna thuchah sawi pahin lawmthu sawina in programme hi a khar a ni.