National Health Mission, Health & Family Welfare Department, Govt. of Mizoram leh SELCO Foundation tangkawp chuan Mizoram chhunga Health Centre zawng zawngah Ni zung chakna hmanga power siamchhuahna a bun kim ta a.

Vawiin 23.10.2025 chawhnu dar 1:00pm khan Secretariat Conference Hall No.2, MINECO-ah Fecilitaion of SELCO Foundation Programme Pi Lalnunmawii, Jt. Secretary, H&FW Dept. Gov’t of Mizoram kahhruaina in hman a ni a, NHM Official te leh Dr. Harish Hande, CEO, SELCO Foundation leh thawktu te an tel. 

Pi Lalnunmawii, Jt. Secretary, H&FW Dept. chuan SELCO Foundation ten Mizoram chhunga district hrang hranga Health Centres hmun 530, heng Sub- Centre/HWC 379, Primary Health Centre(PHC) 69 leh Health Clinic 82-ah te Solar Power System dah a ni leh Directorate of Health services(DHS) a Walk-in Vaccine Cold Storage bun fel Department of Health & Family Welfare, Government of Mizoram kuta hlan a ni ta chu lawmawm a tih thu a sawi a.

Pu Lalmalsawma Pachuau, IRS, Secretary, Planning Department chuan Sawrkar hotute leh SELCO Foundation te zarah mel lung pawimawh tak, North East State zinga State puma Health Centre-te solar power hmanga thuam kim thei hmasa ber kan ni thei chu lawmawm a tih thu a sawi a. Sik leh sa inthlak danglam ah pawh Health Centre ten harsatna an tawh thin a sukiang tura beisei a ni. Tin, khawl leh hmanrua kan bun te hi uluk tak vil zui a, tangkai taka hna a thawh theihna turin enkawl zui a ni dawn thu a sawi bawk. 

Dr. Lily Chhakchhuak, Mission Director, National Health Mission chuan Heng nizung chakna hmang a power siam chhuah hian hriselna lama thawktu te hna a tichakin, vantlang mipui hmun kilkhawr zawka awm te chuan hriselna lamah tangkai takin an hmang thei dawn a ni tiha  sawi bawk. Dr. Lily Chhakchhuak chuan a pawimawhna hetiang hian a sawi ;-

    Mizoram mipui district 11 a awmte chuan nau neih leh naupang hriselna, hri danna leh thildangah awlsam zawkin an hmang tangkai thei tawh ang.

    Hriselna lama thawktu mi 3000 chuang ten him zawk leh tha zawkin hna an thawh theih phah ang.

    Ni zung chakna siam chhuah belhkhawm mi 1.1 Megawatt a ni a, hei hian kum 20 chhunga boruak thianghlim lo tonne 53,260 hu vel siamchhua tur chu a ti bo dawn a ni.

    Khaihlak lo a power a siam dawn avangin nau piang leh nau chunga thi a tih tlem phah beisei a ni.

    Sik leh sa inthlak danglam avanga hrasatna a thlen pawh in khailak lovin power an nei tawh dawn a ni.

    Hriselna lama harsatna lian tham ni lem lo avanga hmunpui pan ngai thin ang chi ah pawh a chhawk zangkhai tura beisei a ni.

Dr. Harish Hande, CEO, SELCO Foundation chuan Health Department te nena thawhhona tha tak neih anih vangin lawmthu a sawi a. He hmalakna ah hian Walk-in Cold Storage, Directorate of Health Services a bun pawh telin, hei hi NE States-a 5 Metric Tonne Dual-Chamber Solar powered unit hmasa ber a ni a, hri danna leh damdawi dangte dah thatna tura siam a ni tiha  sawi a. Hei hi SELCO Foundation leh Directorate of Health Services te tangkawpa bun a ni. He storage ah hian power khaihlak awm lovin damdawi a dahthat theih dawn a ni. IKEA Foundation, Ashraya Hastha leh LIC Housing Finance Limited CSR puihna in heng hmalakna hi tihhlawhtlin a nih thu sawiin Hei hian sawrkar leh hetiang lama hma latu pawl ten khawtlang tan tangkai takin hna an thawk thei a ni tih a lan tir bawk a ti.

Pu Tluanga Colney, State Lead, SELCO Foundation chuan Powerpoint Presentation hmangin hmalak dan hrang hrang leh hnathawh dan te a sawifiah a, Dr. Lalawmpuia Chhangte, SNO, NUHM chuan kalkhawmte chungah lawmthu sawina a nei bawk.