DIRECTORATE OF HEALTH SERVICES
MASS EDUCATION & MEDIA SECTION
(PRESS HANDOUT)

Mizoram State Programme Coordination Committee thukhawm

Dated Aizawl The 23rd May 2017

Vawiin May ni 23 chawhma dar 10:00 khan Mizoram State Programme Coordination Committee chuan Aijal Club-ah Programme Officer te leh Mizoram District hrang hranga Chief Medical Officer te nen Meeting pawimawh tak an nei.

He meeting hi Shri Lalrinliana Fanai, IAS, Commissioner & Secretary, Health & Family Welfare Deptt. Chairman-na hnuaiah neih a ni a. Dr. Lalrozama, IAS, Mission Director, NHM leh Dr. Lalthantluanga, SPM, NHM ten thusawina hun an hmang a. Hemi zawh hian Programme Officer leh District CMO ten kum 2017 - 2018 chhunga hman tur, an huamchhung atana Programme Implementation Plan (PIP) an siam te Powerpoint hmangin presentation an pe a. Heng an Plan siamte hi ngun takin Programme Coordination Committee ten an zir chiang a ni.

Thawktute hlawh leh mamawh hrang hrang bakah mipui hriselna kawnga hmalakna tur atana plan siam te hi Plan Discussion period-ah Executive hmaah pharh a ni a. Programme Officer leh District CMO te plan siam hi pass a nih hnu-ah May ni 31, 2017-a Delhi a Meeting neih turah Commissioner & Secretary, Mission Director, State Programme Manager leh State Finance Manager bakah mi pawimawh dangten Govt. of India pawmpui turin an thawh chhuahpui dawn a ni. Vawiina CMO kal khawm te hi District Programme Manager leh District Account Manager bakah thawktu pawimawh dang ten an tawiawm a ni.