OFFICE OF THE PRINCIPAL DIRECTOR HEALTH & FAMILY WELFARE DEPARTMENT

............................

MASS EDUCATION AND MEDIA SECTION

(PRESS HANDOUT)

 

DATED AIZAWL 

The 25th  November, 2019

 

NATIONAL CAMPAIGN ON TINOSPORA CORDIFOLIA NEIH A NI

 

 

"Kan ramin a neih ramhmul damdawi tha tak tak te hi a hman tangkai

dan kan dapchhuak zel dawn a ni"

Dr. R.Lalthangliana, H&FW, Govt. Of Mizoram.

 

 

Vawiin 25th November, 2019 chawhma dar 11:00 khan National Medicinal Plants Board, Ministry of AYUSH hnuaia din, State Medicinal Plants Board Mizoram chuan Dr.R. Lalthangliana, Minister, Health & Family Welfare Department Chairman-na hnuaiah Board Executive meeting an nei.   

 

He Board meeting Secretariat Conference Hall-a neih-ah hian Meeting hnuhnung ber January 23, 2019 a thurel thlirletna leh bawhzuina neih a ni a. Tin, 2018-2019 leh 2019-2020 chhunga State Medicinal Plants Board hmalakna turte leh SMPB hnuaia staff te hlawh chungchang sawiho a ni. Tin, National Campaign on Tinospora cordifolia (Hruivankai) project hnuaia hmalak tawhna leh hmabak

la awm te sawiho a ni bawk.

 

He meeting zawhah hian Dr.R.Lalthangliana, Minister, Health & Family Welfare Department chuan  National Campaign on Tinospora Cordifolia (Hruivankai) Project hawnna hun a hmang nghal a ni. Dr.Thangtea chuan “Pathianin kan ramah hian kan hman tangkai theih ramhmul damdawi tha tak tak a dah a. Heng thilte hi dap chhuah a nih theih nan sawrkar chuan theihtawp a chhuah mek a. State Medicinal Plants Boards pawh hemi kawnga kutke ber ni turin thuam famkim a ni chho zel dawn a ni a ti a. SEDP hnuai atangin  funding pawh a tul dan ang zeal dap sak dan kawng zawn a tul thu a tarlang bawk.

 

Tinospora cordifolia (hruivankai) kan tih hi Indian System of Medicine a ramhmul damdawi hman tangkai leh ngaihhlut ber pawl a ni a, a thatna tam tak zingah mihring taksa in natna a do theihna khawl tichaktu (immune booster) pawimawh tak a nihna hi langsar ber a ni. A zung leh a kuang hi damdawi atana hman ber niin, Ayurveda damdawi tam tak siamchhuah nana hman niin Herbal Antibiotics tih hiala chhal theih ramhmul damdawi tha a ni. A thatna leh tangkaina tam tak avangin National Medicinal Plants Board chuan Tinospora Cordifolia (hruivankai) hi ram pum huapa chinpun a niha eizawnna tlak a nihzia leh sumchang thlai a nihna inhrilh hriatna atana campaign a buatsaih ta a ni.

 

State Medicinal Plants Board hi National Medicinal Plants Board hnuaia state tina ramhnim damdawi tichangtlung tura ruahmanna siam angin kum 2001 khan Mizoramah din a ni a, 2015 atangin AYUSH Department in a enkawl tan a ni.

SMPB hmalakna te chu:

1. Ramhnim damdawi chin pun, humhalh, dah that leh khuahkhirh, lakkhawm leh sengkhawm.

2. Ramhnim damdawi chingtute leh lakhawmtute nena thawhhona leh hgmalakna buaipui.

3. Ramhnim damdawi kan neihte ti changtlung tura hmalakna hrang hrang siam.

4. Loneitu ramhnim damdawi ching duhte tanpui te an ni.