OFFICE OF THE DIRECTOR

DIRECTORATE OF HEALTH SERVICES

 

(MASS EDUCATION & MEDIA  SECTION)

(PRESS HAND OUT)

 

DATED AIZAWL THE 10th  August, 2023

 

NATIONAL DEWORMING DAY

 

Press Handout



 National Deworming Day hi Mizoram ah kum 2016 atangin kumtin hman thin niin kum khatah vawi hnih (2) hman thin a ni a. National Deworming Day ah hian Naupang leh Tleirawl kum 1 – 19 inkar te hnenah a thlawnin Rulhut Hlo (Albendazole) eitir thin an ni a. Rulhut hlo hi School leh Anganwadi Centre ah te eitir thin an ni. Naupang leh tleirawl kum 1 – 19 inkar ten kim taka rulhut hlo an ei theih nan National Deworming Day, August Ni 10 a rulhut hlo ei ve theilo leh ei hmanlo te tan Mop Up Day, August Ni 17 ah neih leh tur a ni. Rulhut pai avanga thisen tlakchhamna leh taksa a harsatna hrang hrang awm thei te venna atan National Deworming Day hi hman thin a ni. National Deworming Day hi naupang leh tleirawlte hrisel zawkna atan leh an than lenna kawnga harsatna hrang hrang awmtheite sutkianna atana hmalakna pawimawh tak a ni.

 

Dosage for Albendazole 400mg tablet

Kum

 

Pek tur zat

Pek dan

Kum 1-2

Mum chanve  ( 200mg)

Damdawi mum chanve chu thirfian hmangin tisawm la, tui thianghlim nen chawh pawlh a pek tur a ni

 

Kum 2-3

Mum khat  (400mg)

Damdawi mum khat chu thirfian hmangin ti sawm la, tui thianghlim nen chawh pawlh a pek tur a ni

 

Kum 3-19

Mum khat ( 400mg)

-Naupang kum 3-19 chu damdawi sehsawm turin hrilh la

-Damdawi sehsawm loh hi a thawh dan a nep bik

-Tui thianghlim in tur a awm ngei ngei tur ani

                        

CMO Aizawl East District chuan vawin ni August ni 10 hian National Deworming Day (NDD August round) hawn na programme, Old DHS Conference Hall, Dinthar ah an nei a. Pu. Vanlalruata, Deputy Director, F&D in a kaihruai a.  Senior Chief Medical Officer Dr. Lalparliani’n hawngna hun hmangin, NDD chu khawtlang hriselna a tan a a pawimawh na te leh Line Department te nen a thawhho na tha neih a pawimawh zia te sawiin, CMO East district chuan Line Department te nen a thawhhona tha tak an neih thu a sawi tel bawk.He programme ah hi Pu Lalrammawia, DEO Aizawl leh Pi Lalhmingliani CDPO Tlangnuam ICDS Project ten thu an sawi a, Nl Selina Vanlaltluangi, ASHA Coordinator in a zai in kal khawmte a awi a ni. Tin, CMO Aizawl East Staff (under 19) te hnen ah spot deworming neih nghal a ni. Programme hi Pu Rodingliana, Superintending Pharmacist in lawmthu sawi in hun a khar a ni.