OFFICE OF THE DIRECTOR

HEALTH SERVICES ; MINECO : AIZAWL

(MASS EDUCATION MEDIA SECTION)

PRESS HANDOUT

No. 20/8/2024(B)

Dated Aizawl the 29th August 2024

NATIONAL EYE DONATION FORTNIGHT VAWI 39-NA

PUALIN HEALTH DIRECTORATE OFFICE-AH FREE CLINIC BUATSAIH A NI.

(Mit pe tura in register mi 8982 awm tawh)

India ramin kum tina a lo hman thin, mamawhtute hnena a thlawna mit pek leh hemi chungchanga inzirtirna ni "Eye Donation Fortnight" vawi 39 pualin vawiin August ni 29, 2024 (Ningani) khan Health Directorate Office-ah  hun hman a ni a. Hei bakah hian DHS leh DHME Staff te tan a thlawna mit entirna free Clinic buatsaih nghal a ni.

Vawiina Eye Donation Fortnight puala hun buatsaih hi National Programme for Blindness & Visual Impairment bultuma neih a ni a.  Dr.Eric Zomawia, Mission Director NHM in kaihruaiin Dr. Lalremmawii, Director of Health Services chu Khuallian a ni.

Dr.Lalnuntluangi Khiangte, Join Director/State Programme Officer, Blindness chuan kal khawmte lawmna leh thu tawi sawiin hun a hmang a.  India rama mitdel kan neih dan tarlangin mi nuai 68 vêl mit khing del, mi nuai 10 vêl mit khing hnihah mit darthlalang (cornea) that loh avânga mitdel an ni a ti a. Midangin mit vâr an lo neih leh theihna tur hian kum khat chhûngin eye donation tam tak kan mamawh a, kan mamawh zât leh kan hmuh zât a in balance lo nasa êm êm a ni a ti.

Hemi hnu hian Mimi Zodinthari, Eye Donation Counsellor, Civil Hospital Aizawl chuan Civil Hospital Aizawl Eye Bank dinhmun leh hmalakna tarlanna presentation a pe bawk. A presentation in a tarlan danin  12th July 2008 ah CHA Eye Bank hi Eye Bank Association of India ah register niin, 31st July 2008-ah hawn a ni. 2009 khan Civil Hospital Aizawl, Eye Department leh, Sri Sankaradeva Nethralaya, Guwahati nena tang kawpin ni 25th September 2009 khan Cornea transplant hmasa ber neih a ni a. Tichuan tunah hian mit pe tura in register  hi ni 27.8.2024 thleng khan mi 8982 an awm tawh a. Mitdel mit thlak ngai in-register hi mi 362 awm tawhin Corneal Transplant tawh zawng zawng hi 502 an awm tawh bawk. Mit lak tawh zawng zawng hi tun dinhmunah 1130 awm tawhin mit pe tawh zat hi tun dinhmunah mi 568 an awm tawh bawk a ni. 

Dr. Lalremmawii, Director of Health Services chuan kalkhawmte hnenah fuihna thu sawiin mamawhtute hnena mit pek hlutna leh hemi kawnga nasa leh uar zawka mipuite zirtirna pek uar a tul thu a tarlang a, thawktute pawh hemi kawnga hma la zual zel turina chah bawk a ni.

He fortnight hun chhung hian Radio leh Cable TV lamah Eye Donation chungchang inzirtirna hun uar taka hman chhoh zel a ni ang.

Vawiina Free Clinic buatsaihah hian DHS leh DHME Staff mi 100 bawr an inentir a, heng inentirte hi Eye Bank Civil