OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 14th May, 2019
NATIONAL
HEALTH MISSION HNUAIA PROGRAMME REPRODUCTIVE & CHILD HEALTH TEN
2018 - 2019 CHHUNG ACHIEVEMENT EN LETIN REVIEW MEETING NEI
Vawiin 14th May 2019 chawhma dar 10:00 khan National Health Mission hnuaia nu leh naupang hriselna lam thawktu peng pawimawh tak Reproductive & Child Health (RCH) Programme chuan State Guest House, Chaltlang Aizawl-ah kum 2018 leh 2019 chhunga Mizoram district hrang hranga an hmalakna thlirhovin Review Meeting an nei.
He Review Meeting hi Dr. Vanlalsawma, Joint Director (Family Welfare) in a kaihruai a. Dr.H.Lalchungnunga, Director of Health Services-ah kalkhawmte lawmna thu a sawi hnu-ah Dr.F.Lallianhlira, Principal Director, H&FW hnen atangin keynote address ngaihthlak a ni. Dr.F.Lallianhlira chuan Medical Officer leh staff kalkhawmte chu nu leh naute hriselna kawnga nasa lehzuala tan la turin a fuih a. A hun taka bialte fang a, sub centre hnufum deuh apiang dawmkan dan ngaihtuahpui nghal zel tur leh mipui ten damdawiina nau neih nachang an hriat deuh deuh theih nana tan la turin a fuih a. Kum 2018-2019 chhunga hmasawnna hmuh tur an neihah lawmthu a sawi bawk.
He Review Meeting-ah hian district zawng zawng atangin CMO, SMO, DMS leh Medical Officer te bakah thawktu dangten anmahni bial theuha an hmasawnna te thlirhona powerpoint presentation hmangin an pe a. Naktuk ni May 15 hian he review meeting hi neih chhunzawm leh a ni ang.
