GOVERNMENT OF MIZORAM
HEALTH & FAMILY WELFARE DEPARTMENT
MASS EDUCATION & MEDIA SECTION
(PRESS HANDOUT)
NATIONAL URBAN HEALTH MISSION HNUAIA ASHA TE KOH KHAWM AN NI
Dated Aizawl the 1st.August, 2017 (Tuesday)
Ni hnih awh tur Orientation and refreshers Training for Urban ASHA chu vawiin
August ni 1, 2017 chawhma dar 10:00 khan Civil Hospital Conference
Hall-ah neih a ni a, he hunah hian National Urban Health Mission hnuaia
ASHA (Accredited Social Health Activist) mi 79 te hnenah training pek a
ni.
He training hi Dr, David _, State Nodal Officer, NUHM-in a kaihruai a. Chairman-in training kalkhawmte lawmna thu a sawi zawh hnu ah Dr. Lalchhuanawma, SNO, Quality Assurance hnen atangin ASHA kalphung leh Vantlang hriselna chungchanga ASHA te mawhphurhna a sawi a. Kalkhawmte nen zawhna leh chhanna hun hmanho a ni a, ASHA ten harsatna hrang hrang an tawhte pawh sutkian a nih theih dan tur inpawh tlang taka sawiho a ni.
Tun tum training hi Urban PHC hnuaia ASHA te tan a vawi khatna a ni a. Urban Area chhunga ASHA ten an tih tur hrang hrangte inhrilh hria in, intuaitharna hun hman a ni a. Resource person atan ruat medical lama mithiam thlan chhuah Dr. Evelyn Lalremsangi, State Consultant QA, leh State ASHA Trainers pahnih Lalmuanpuii leh Lalthanzami ten thupui thlan chhuah hmangin zirtirna an pe a ni. He Training hian naktuk August ni 2 thleng a awh dawn a ni.
ASHA te hi nu leh nau pai bakah nau piang hlim te an lo hrisel zawk theihna tur te, naupiang thihna leh nu, nau chunga thihna ti hniam tur te, vantlang hriselna leh thianghlimna kawnga thawktu pawimawh tak an nih avangin NUHM chuan ASHA te chu nasa zawka an thiamna leh theihna te hmang tangkai turin mipui te a sawm a ni.
ASHA TE HMANG TANGKAI LA, HRISELNA KAWNGAH KE PEN ANG CHE.
