OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 15th May, 2019
NATIONAL URBAN HEALTH MISSION THAWKTU TEN ORIENTATION
TRAINING AN NEI
Vawiin 15th May 2019 chawhma dar 10:30 khan Civil Hospital Aizawl Conference Hall-ah National Urban Health Mission chuan Orientation Training pawimawh tak an buatsaih.
He Orientation Training hi Dr.David Zothansanga, State Nodal Officer, NUHM in Chairman niin hun a kaihruai a. Chairman-in kalkhawmte lawmna thu a sawi zawh hnu-ah Resource Person H.Lalmuankimi, Public Health Manager, Aizawl East leh Lalsangpuii MIMER-te hnen atangin thupui chi hrang hrang thlan chhuah hmangin zirtirna ngaihthlak a ni. Vawiina training te hi UPHC 8 atangin MO leh thawktu dang an vaiin mi 55 an ni.
National Urban Health Mission hi India ramah hian May ni 1, 2013 atang khan kalpui tan a ni a. Mizoramah hian February 2014 atang khan kalpui a ni bawk. NUHM hian a thil tum lian ber chu Khawpui chhunga retheihna avanga damlo ten inenkawlna kawnga harsatna an tawh thinte tihbo hi a ni. Ram thang zelah private damdawiin lian leh changtlung a pun zel lai hian mi harsa leh rethei zawk ten heng damdawiina inenkawlna tur sum leh paite an neih loh thin avangin harsatna tam tak an tawk thin a. Heng thilte hi sutkian a nih theih nan NUHM hi din a ni. Mizoramah hian NUHM hnuaiah Urban Primary Health Centre Damdawiin pariat, Lawipu, Chawlhhmun, Hlimen, ITI, Zemawbawk, Sihphir, Sazaikawn, Hrangchalkawn-ah te a awm a. heng UPHC te hi Doctor-ten ngun takin an thutchilh reng a ni.
Tin, Hengte bakah hian NUHM Staff te hian mi harsa damdawiin pan hlei thei lo te zawng chhuakin outreach an nei fo bawk a. Urban Health & Nutrition Day te hmangin Mahila Arogya Samity leh ASHA te nen tangkawpin hriselna kawngah theihtawpin hma an la ho thin a ni.
